Буюк Британияда бир эркак лаборатория ходими билан тил бириктириб, ўз қизи эканини инкор этиш учун ДНК таҳлилини сохталаштирди. Бу орқали у 125 минг долларлик алимент тўловидан қочмоқчи бўлган. Бу ҳақда Pravilamag нашри хабар берди.
Ҳикоя 31 ёшли Челси Миллернинг фарзанди туғилганидан сўнг, турмуш ўртоғи Шелдон томонидан ташлаб кетилиши билан бошланган. Бир неча кун ўтиб, Шелдон боланинг отаси эканини инкор қилиб, ДНК таҳлили ўтказишни талаб қилади. Миллер рози бўлади — чунки у фарзандининг отаси ким эканини аниқ билади.
Бироқ таҳлил натижалари кутилмаган ҳолда Шелдонни боланинг биологик отаси эмас деб кўрсатади. Бу натижага шубҳа қилган Миллер Шелдоннинг онасидан ДНК намунаси олади. Текширув натижаси қизалоқ ҳақиқатдан ҳам унинг набираси эканини кўрсатади.
Бу факт аввалги ДНК натижасини шубҳа остига қўяди. Қўшимча суриштирувлар орқали маълум бўлишича, Шелдон ўзи тўғрисидаги натижани сохталаштириш учун лаборатория ходимига пул тўлаган. У бунинг учун холасининг танишлари орқали ходимга мурожаат қилган ва ДНК намунасини ўзгартиришга эришган.
Суд терговида, Шелдон ва лаборатория ходими ўз жиноятларини тан олиб, фирибгарликка тил бириктирганлик учун бир неча ойлик қамоқ жазосига ҳукм қилинди.
Челси Миллер эса бу воқеадан сўнг ДНК лабораторияси ходимларининг масъулиятсизлиги ва касбий этикаси пастлигидан хафсаласи пир бўлганини билдирди.
Бунга ўхшаш ҳолат АҚШда ҳам қайд этилган — у ерда 30 йил давомида фаолият юритган судмедэксперт 654 та ДНК натижасини сохталаштирган. Унинг ҳаракатлари натижасида давлатга етказилган зарар 11 миллион долларга баҳоланган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
