АҚШ президенти Доналд Трамп ва Исроил Бош вазири Бинямин Нетаняху ўртасида телефон орқали кечган сўзлашув баҳс ва тортишувларга айланди. NBC телеканали тарқатган маълумотларга кўра, суҳбат пайтида Трамп овозини кўтариб, қаттиқ бақирган.
Маълум қилинишича, сўнгги ҳафталарда бўлиб ўтган телефон қўнғироғида Нетаняху Трампга Ғазода оммавий очарчилик йўқлигини, бу хабарлар Ҳамас тарафидан тарқатилган ёлғон эканлигини айтган. Аммо Трамп бу гаплардан қаттиқ ғазабланган.
"Унинг гапини бўлиб, очарчилик ҳақиқат эмаслигини эшитишни истамайман! Менинг ёрдамчиларим Ғазода болалар очликдан ҳалок бўлаётгани ҳақида аниқ далиллар келтиришди", деган Трамп ва овозини кўтариб бақира бошлаган.
Ҳозирча икки томон ҳам бу можароли суҳбат бўйича расмий баёнот бермаган. Аммо маълумки, Трампнинг бу ҳаракати АҚШ ва Исроил муносабатларидаги мураккабликлардан далолат беради.
«Замин»ни Telegram’да ўқинг!
