Бугунги кунда одамлар соғлиғига онгли муносабатда бўлишни ўрганмоқда. Шу мақсадда 24 сентябрь куни бўлиб ўтадиган “КО-ЛАБ” II конференцияси танага ғамхўрлик қилиш ва соғлом ҳаёт тарзига оид муҳим саволларга жавоб беради.
Тадбирда стресс, ташвиш, ёшга оид ўзгаришлар каби мавзулар муҳокама қилинади. Қайси тиббий усуллар ҳақиқатан ҳам самарали? Гўзаллик саноатида маркетинг ва ҳақиқий янгиликни қандай ажратиш мумкин? Асоссиз қўрқувни енгиш йўллари қандай? – бу каби саволларга мутахассислар жавоб беради.
Конференцияда таниқли шифокорлар: акушер-гинеколог Марк Куртсер, пластик жарроҳ Дмитрий Мелников, уролог ва онколог Александр Дзидзария, терапевт Оксана Драпкина ҳамда кардиолог Константин Иванов иштирок этади. Улар соғлиқни сақлаш, тўғри овқатланиш ва руҳий барқарорлик ҳақида ўз тажрибалари билан ўртоқлашади.
Шунингдек, турмуш тарзи билан боғлиқ мавзуларни ёритиб келаётган блогер ва таъсирчан шахслар ҳам сўзга чиқади. Тадбир тафсилотлари ва чипта олиш имкониятлари ташкилотчилар сайтидан топилади.
Манба: Peopletalk
«Замин»ни Telegram’да ўқинг!
