Таиландда юз берган ғоят ноодатий воқеа мамлакат оммавий ахборот воситаларида шов-шувга айланди — кремацияга тайёрланган тобут ичида “ўлган” деб ҳисобланган 65 ёшли аёл тирик ҳолда топилди.
Маълумотларга кўра, Нонтҳабури провинциясидаги ибодатхона ходимлари тобутдан заиф тақиллаш овозини эшитиб, дарҳол уни очишган. Очиқ тобутда ётган аёлнинг кўзлари ярим очиқ бўлгани ва у қопқоқни тақиллатгани айтилади.
Аёлнинг акаси маълум қилишича, у икки йилдан бери оғир бемор бўлиб, бир неча кун аввал нафас олмаётгандек кўринган. Шу боис уни донорлик учун Бангкокдаги шифохонага олиб боришган, аммо расмий ўлим гувоҳномаси йўқлиги сабаб қабул қилинмаган.
Шундан сўнг тобут ибодатхонага олиб келинган, лекин бу ерда ҳам ҳужжатлар мавжуд эмаслиги учун кремация бажарилмаган. Ходимлар маросим тартибини тушунтириб турганида тобут яна тақиллаб, одамлар ҳушидан кетай деган.
Аёл шошилинч касалхонага етказилган ва шифокорлар унда оғир гипогликемия — қондаги қанд кескин тушиши бўлганини аниқлаган. Аслида унинг юрак ва нафас олиш фаолияти тўлиқ тўхтамаган экани тасдиқланган.
Ибодатхона маъмурияти аёлнинг тиббий харажатларини ўз зиммасига олгани айтилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
