Украина президенти Володимир Зеленский 5 йилдан ортиқ вақт ичида илк бор Россия президенти Владимир Путин билан телефон орқали гаплашиши мумкин. Бу маълумотни музокаралардан хабардор манбага таяниб, Fox News хабар қилмоқда.
Манбага кўра, уруш олиб бораётган икки давлат раҳбарлари ўртасида тўғридан-тўғри алоқа ташкил этилиши АҚШ президенти учун дипломатик ғалаба сифатида баҳоланади. Fox News суҳбатдоши Трамп ва Зеленский ўртасидаги музокараларнинг натижаларига таяниб, бундай хулосага келган.
Россия ва Украина президентлари охирги марта 2020-йил июль ойида мулоқот қилган. Ўшанда Киев “Вагнер” хусусий ҳарбий компаниясига алоқадор ёлланма жангчиларни Беларусга олиб бориш бўйича операция ўтказган эди. Шундан сўнг Зеленский бир неча бор телефон орқали мулоқот қилишга уринган, бироқ Путин бундан бош тортган.
Зеленский 28-декабрь куни АҚШнинг собиқ президенти Доналд Трамп билан учрашди. Трамп учрашув давомида тинчлик режаси бандларининг 95 фоиз бўйича келишилганини маълум қилди, аммо Донбасс масаласи ҳали ҳал қилинмаганини таъкидлади. Шунингдек, Трамп Россия Украинанинг қайта тикланишига ёрдам беришини билдирган.
Меҳмон гуруҳидаги фойдаланувчилар ушбу мақолага изоҳ қолдира олмайди.
