Венесуэла раҳбари Николас Мадуро АҚШ ходимлари томонидан қўлга олиниб, жиноий жавобгарликка тортиш учун Қўшма Штатларга олиб кетилгани айтилмоқда. Шундан сўнг Вашингтон Венесуэла ҳудудида қўшимча ҳаракатлар ўтказишни кўзламаяпти. Бу ҳақда podrobno.uz хабар беради.
Сенатор Майк Ли Марко Рубио сўзларига таяниб, операциянинг асосий мақсади Мадурони ҳибсга олиш бўлганини билдирди. Унинг таъкидлашича, қайд этилган ҳарбий ҳаракатлар фақат ҳибсни амалга оширган ходимларнинг хавфсизлигини таъминлашга қаратилган, операцияни кенгайтириш ёки ҳарбий босқични давом эттириш режалаштирилмаган.
New York Times венесуэлалик амалдорларга таяниб ёзишича, АҚШ зарбалари оқибатида ҳалок бўлганлар ва жароҳат олганлар бор. Ҳозирча уларнинг аниқ сони маълум қилинмаган.
АҚШ маъмурияти Мадуро суд олдида жавоб бериши кераклигини урғуламоқда. Давлат котиби ўринбосарининг баёнотига кўра, у ўз жиноятлари учун қонуний тартибда жавоб беради.
Шунингдек, АҚШ ҳаракатларига жавобан бир қатор давлатлар ва халқаро ташкилотлар расмийлари вазият юзасидан хавотир билдиргани қайд этилди.
“Zamin”ни Telegram'да ўқинг!
