Валенсия аэропортида эркак самолёт томида рақс тушди
2 феврал куни Валенсия яқинидаги Манисес аеропортида 24 ёшли Марокаш фуқароси Вуелинг авиакомпаниясининг парвозга тайёр Аирбус A320 самолёти томига чиқиб, рақс тушган ва ходимларга халақит берган. У икки марта самолёт томи бўйлаб югуриб, қўлидаги ичимликни туфлагандек қилган ва идишини ерга отган. Фуқаролик гвардиясининг уч нафар ходими эркакни қаршиликсиз тушишга кўндирган, шундан сўнг у Валенсиядаги касалхонанинг психиатрия бўлимига юборилган.
Испаниянинг Валенсия шаҳри яқинидаги Манисес аэропортида кутилмаган ҳолат кўпчиликни ҳайратда қолдирди. 24 ёшли эркак парвозга тайёр турган самолёт устига чиқиб, том қисмида “сахна” қилиб юрди.
Хабарларга кўра, воқеа 2 февраль куни содир бўлган. Марокаш фуқароси қандай қилиб чекланган ҳудудга кириб олгани ҳозирча аниқ эмас. У Vueling авиакомпаниясига тегишли Airbus A320 самолётига зинапоя орқали кўтарилиб, кейин учоқнинг том қисмида кўриниш берган.
Гувоҳлар айтишича, у самолёт томида рақсга тушган, қўл ҳаракатлари билан пастдагиларни масхара қилгандек бўлган ва аэропорт ходимларининг ишига халал берган. Қўлидаги ичимликдан бир ҳўплаб, уни туфлагандек қилиб, кейин идишини ерга отгани ҳам қайд этилган. Шундан сўнг у икки марта самолёт томи бўйлаб югуриб, ходимларни атайлаб чалғитишда давом этган.
Оқибатда фуқаролик гвардиясининг уч нафар ходими уни тушишга кўндирган. Эркак қаршилик кўрсатмасдан пастга тушган ва кейин Валенсиядаги касалхонанинг психиатрия бўлимига юборилган. Ҳозирча унга расмий айблов қўйилган-қўйилмагани ҳақида аниқ маълумот йўқ.
Бу воқеа сабаб Vueling’нинг Амстердамга учиши керак бўлган рейси сезиларли кечиккан. Йўловчилар тахминан икки ярим соат давомида янги парвозни кутишга мажбур бўлган ва кейин бошқа самолётда Нидерландияга йўл олган.
Изоҳлар 0
…