Австралияда Роттнест оролида квоккаларга ресторанга кириш тақиқланди
Австралиянинг Роттнест оролидаги ресторанлардан бирида квоккаларнинг ичкарига кириши расман тақиқланди. Бунга жониворларнинг сайёҳлардан овқат сўраб, мунтазам равишда тартибсизлик келтириб чиқараётгани сабаб бўлган. Мутахассислар инсонлар таоми квоккалар саломатлиги учун ўта зарарли экани ва уларнинг организмига жиддий шикаст етказишидан огоҳлантирмоқда. Орол маъмурияти махсус белгилар ўрнатганига қарамай, меҳмонлар ва ҳайвонлар томонидан қоидабузарликлар ҳамон кузатилмоқда.
Австралиянинг Роттнест оролида жойлашган ресторанлардан бирида квоккаларнинг кириши расман тақиқланди.
Маълум қилинишича, маъмурият томонидан сайёҳлар учун бир нечта тилда огоҳлантирувчи ёзувлар ўрнатилган бўлса-да, бу қоидаларга ҳам меҳмонлар, ҳам ҳайвонлар томонидан тўлиқ амал қилинмаяпти.
Квоккалар ўзининг ёқимтой кўриниши туфайли одамлардан овқат сўрашга ўрганиб қолган ва тез-тез ресторан ичига кириб бормоқда.
Бу ҳолат нафақат тартибсизлик келтириб чиқараётгани, балки ҳайвонлар саломатлиги учун ҳам хавф туғдираётгани таъкидланмоқда.
Мутахассислар инсонлар истеъмол қиладиган озиқ-овқатлар квоккалар учун зарарли эканини, уларнинг организмига жиддий салбий таъсир кўрсатишини қайд этмоқда.
Изоҳлар 0
…