АҚШ Венесуэлада сақланаётган стратегик аҳамиятга эга материални мамлакат ҳудудидан чиқариб кетди. Гап эски тадқиқот реакторида жойлашган бойитилган уран ҳақида бормоқда.
АҚШ Энергетика вазирлиги баёнотига кўра, умумий ҳисобда 13,5 килограмм бойитилган уран хавфсиз тарзда олиб чиқилган. Бу ҳақда The Guardian нашри ҳам хабар берган.
Маълум қилинишича, мазкур операция АҚШ, Буюк Британия ва Венесуэла ҳамкорлигида амалга оширилган. Расмийлар ушбу ҳаракатни нафақат иштирокчи давлатлар, балки бутун жаҳон хавфсизлиги учун муҳим қадам сифатида баҳоламоқда.
Атом энергияси бўйича халқаро агентлик маълумотига кўра, уранни кўчириш жараёни “мураккаб ва юқори даражада ҳимоя талаб қиладиган операция” бўлган. Материал Жанубий Америкадан Шимолий Америкагача қуруқлик ва денгиз орқали босқичма-босқич, қатъий хавфсизлик чоралари асосида етказилган.
Ушбу материал Каракас шаҳридан тахминан 15 километр узоқликда жойлашган объектдан олиб чиқилган. Кейинчалик у АҚШнинг Жанубий Каролина штатидаги махсус мажмуасига жойлаштирилган.
Расмий баёнотда таъкидланишича, операция амалга оширилишида Доналд Трампнинг қатъий сиёсий иродаси ва етакчилиги муҳим рол ўйнаган.
“Zamin”ни Telegram'да ўқинг!
