Тошкентда сигир-балерина либосидаги қиз самокатда ҳаракатланаётганида тўхтатилди

Тошкентда Хеллоуин байрами муносабати билан сигир-балерина либосини кийган қиз ҳуқуқ-тартибот идоралари ходимлари эътиборини тортди.

Гувоҳларнинг айтишича, воқеа 31 октябрь куни кечқурун «Минор» метро бекати ва Brasserie Minor бари яқинида содир бўлган. Самокатда ҳаракатланаётган қиз Патруль-пост хизмати ходимлари томонидан тўхтатилган.

Айрим маълумотларга кўра, қиз туман ички ишлар бўлимига олиб борилиб, у билан профилактик суҳбат ўтказилган. Унинг Хеллоуин байрами муносабати билан ғайриоддий либос кийгани айтилмоқда.

Ҳозирча воқеа юзасидан расмий изоҳ берилмаган.