Доналд Трамп ИШИДнинг “энг фаол террорчиси” йўқ қилинганини айтди

АҚШ Президенти Доналд Трамп ИШИДнинг “энг фаол террорчиси” деб аталган Абу-Билол ал-Минуки йўқ қилинганини маълум қилди. Унинг айтишича, махсус операция АҚШ ва Нигерия қуролли кучлари ҳамкорлигида амалга оширилган.

Трампнинг таъкидлашича, ал-Минуки Африкада яшириниб юрган ва америкаликларга қарши янги ҳужумларни режалаштиришда давом этган. Президент унинг йўқ қилинишини ИШИДнинг глобал фаолиятига берилган жиддий зарба сифатида баҳолади.

“Euronews” маълумотига кўра, Абу-Билол ал-Минуки 2018 йилдан буён ИШИДнинг Ғарбий Африкадаги етакчи қўмондонларидан бири бўлган. АҚШ уни 2023 йилда расман террорчилар рўйхатига киритган эди.

Ҳозирча махсус операциянинг аниқ жойи ва тафсилотлари кенг очиқланмаган. Шунга қарамай, Вашингтон ушбу амалиётни минтақадаги террорчилик тармоқларига қарши муҳим қадам деб ҳисобламоқда.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг