Акула оғзига кириб, унинг тишларини “даволайдиган” митти балиқ
Гўбан-тозаловчи, яни тозаловчи балиқлар акулалар оғзига кириб, тишлари орасидаги овқат заррачалари, паразитлар ва майда қолдиқларни тозалайди. Акулалар бу митти балиқларни овламай, тозалаш жараёнига йўл қўяди. Натижада балиқлар озуқа топади, акулалар эса паразит ва қолдиқлардан халос бўлади. Бундай ҳамкорлик бошқа йирик денгиз жонзотлари билан ҳам кузатилади.
Океан тубида шундай ғайриоддий жонзот борки, у ўзидан бир неча баробар катта ва хавфли акулаларнинг оғзига бемалол сузиб киради. Энг ҳайратланарлиси, акулалар уни овламайди, аксинча, унга «ишлаш» имконини беради.
Гап гўбан-тозаловчи, яъни тозаловчи балиқлар ҳақида кетмоқда. Уларнинг танаси кичик бўлса-да, океан экотизимидаги вазифаси жуда муҳим.
Бу митти балиқлар акулалар ва бошқа йиртқич денгиз жонзотларининг оғзига кириб, тишлар орасида қолган овқат заррачалари, паразитлар ва турли майда қолдиқларни тозалайди. Шу сабабли уларни шартли равишда океаннинг «стоматологлари» деб аташ мумкин.
Оддий ҳолатда акула учун оғзига кирган кичик балиқ осон ўлжа бўлиши мумкин. Аммо тозаловчи балиқлар билан муносабат бутунлай бошқача. Йиртқичлар уларни таниб, тозалаш жараёнига йўл қўяди. Натижада ҳар икки томон ҳам манфаат кўради: балиқ озуқа топади, акула эса паразит ва қолдиқлардан халос бўлади.
Қизиғи, бундай «ҳамкорлик» фақат акулалар билан чекланиб қолмайди. Тозаловчи балиқлар бошқа йирик денгиз жонзотларига ҳам хизмат кўрсатиши мумкин.
Изоҳлар 0
…