Кўрфаз кубогида "сенсация": яримфинал жуфтликлари маълум бўлди

1 дақиқа ўқиш154
Кўрфаз кубогида "сенсация": яримфинал жуфтликлари маълум бўлди
ҚисқачаAI ёрдамида тайёрланганКўрсатиш
  • Кўрфаз кубогида гуруҳ босқичи якунланиб, яримфинал жуфтликлари аниқланди.
  • "Б" гуруҳида Яман терма жамоаси Баҳрайнни 5:2 ҳисобида мағлуб этиб, сенсацияга сабаб бўлди.
  • Яримфиналда Қатар Саудия Арабистони билан, БАА эса Ўмон билан ўйнайди.

Саудия Арабистони яшил майдонларида давом этаётган нуфузли Кўрфаз кубогида гуруҳ босқичи баҳслари якунланди. «B» гуруҳининг сўнгги 3-тур учрашувлари мухлисларга ҳам кескин тактик курашни, ҳам ҳақиқий сенсацион натижани тақдим этди.

Гуруҳ пешқадамлиги масаласи ҳал бўлган баҳсда Қатар ҳамда БАА терма жамоалари муроса кўчасини танлади (1:1). Шу тариқа, ҳар икки жамоа ўз ҳисобидаги очколарни 7 тага етказиб, мусобақанинг кейинги босқичига йўл олди.

Баҳрайн дарвозасига 5 та тўп: Тур сенсацияси

Куннинг энг ёрқин ва шов-шувли воқеаси Баҳрайн ҳамда Яман термалари ўртасидаги баҳсда кузатилди. Учрашув аутсайдери сифатида қаралган Яман футболчилари рақиб мудофаасини чилпарчин қилиб, рақиб дарвозасига нақ 5 та тўп киритишга муваффақ бўлди (5:2).

Ушбу ғалаба Яманга турнирни чиройли нотада якунлаб, 3 очко жамғариш имконини берган бўлса, Баҳрайн мусобақани бирорта ҳам очкосиз тарк этди.

3-тур статистикаси ва голлар муаллифлари:

  • БАА — Қатар 1:1

    Голлар: Солиҳ (45+4) — Алмоаз (33).

  • Баҳрайн — Яман 2:5

    Голлар: Ҳумуд (6), Мадан (67) — Ал Гаҳваши (18), Ал Матари (31), Ал Васмани (40, 90+5), Аббос (44).

Яримфиналда қитъа грандлари тўқнашуви

Гуруҳ босқичи якунларига кўра, турнирнинг финал остонасидаги жуфтликлари қуйидагича кўриниш олди:

  • Қатар — Саудия Арабистони: Гуруҳда етакчиликни бўлишиб олган Қатарни яримфиналда энг жиддий синов кутмоқда. Улар «A» гуруҳида 100 фоизлик натижа кўрсатиб, мутлақ пешқадам бўлган мусобақа мезбонлари — Саудия Арабистонига қарши майдонга тушади.

  • БАА — Ўмон: Плей-офф йўлланмасини нақд қилган БАА термаси эса «A» гуруҳида иккинчи ўринни банд этган тартибли ва мураккаб рақиб — Ўмон жамоаси билан тўқнаш келади.

Ҳал қилувчи босқич баҳслари Кўрфаз минтақасининг бош соврини учун муросасиз ва шиддатли кураш тақдим этиши кутилмоқда.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?