08:24 / 24.08.2017
7 667

Терракота армияси яратилиши сири очилди

Терракота армияси яратилиши сири очилди
Хитойлик ва британиялик олимлар гуруҳи “терракота армияси”– Хитой императори Цинь Шихуанди мақбарасида кўмилган минглаб аскарлар ва отлар ҳайкаллари қандай яратилганини аниқлашга муваффақ бўлдилар. Бу тадқиқот ҳақидаги маълумотлар Antiquity журналида чоп этилди.

Олимлар “армия” яратилган лой таркибини таҳлил қилиб, ҳайкаллар учун хом ашё мақбара яқинидаги жойдан олингани ҳақидаги хулосага келишган. Сўнгра лой турли устахоналар орасида тақсимлаб чиқилган. Бундан ҳайкалларни яратишда қўлланган қоришмалар таркибининг турфалиги дарак бермоқда.

Ҳайкаллар тана қисмлари алоҳида ясалган, баъзи қисмлар эса ҳаттоки қолипларда қуйилган. Олимларнинг айтишича, аскарларнинг 10 тага яқин асосий юз шакллари бўлган. Сўнгра уларга индивидуал қиёфалар берилган.

Ҳайкаллар печларда пишитилгандан кейин бўялиб, лак билан қопланган.

Шу билан бирга олимлар ҳайкаллар яратилган устахоналар қаерда жойлашган бўлганини ҳали аниқлашга муваффақ бўлмаганлар.


Манба: Kun.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Терракота армияси яратилиши сири очилди