Москва вилоятида пантера украиналик эркакни ғажиб ташлади

Москва вилоятидаги хусусий ҳайвонот боғларидан бирида сақланаётган пантера жониворларни назорат қилиб турадиган Украина фуқаросини ғажиб ташлади. Олинган жароҳатлар натижасида эса эркак ёруғ оламдан кўз юмди.

Хабарда айтилишича, ҳодиса эркак жониворларга овқат бериш учун келган пайтида содир бўлган. Йиртқич эркакнинг қафас ичига киришини кутиб турган ва унга ташланган. Кейин эса қафасдан чиқиб, қочиб кетган.

Аниқланишича, ҳайвонот боғи маҳаллий бизнесменлардан бирига тегишлидир. Қочиб кетган пантера эса кўп ўтмасдан қайтариб тутиб келинган.