Питон уни сотиб юборишга чоғланган эркакни бўғиб ўлдирди

35 ёшли Зейм Халис Коснан ўз синглисига 13 метрли питонни тутиб, уни бозорга олиб бориш режаси ҳақида гапирган. Бир неча соатлик қидирувлардан кейин эса Зейм Куала-Лангатдаги уйига қайтар чоғда ўзи излаган питонни учратиб қолади.

Эркак қўлқоп кийиб, ўроқ билан илонни илинтирган ва уни қоп ичига солган. Вақтдан ютқазмаслик учун эса ўлжасини дарҳол бозорга олиб бормоқчи бўлган. Мопед йўлда ҳаракатланар экан, питон қопдан чиқиб кетган ва Зеймнинг атрофида ўралаша бошлаган. Орадан бир муддат ўтмай эса эркак ерга йиқилган.

Хабарда айтилишича, Зеймни йўловчилар кўриб қолишган, кейин эса унинг бўйнида ўралиб турган илон борлигини пайқаганлар. Улар питонни ўлдирганларига қарамай, Зейм аллақачон жон таслим этиб бўлганди. «Замин»ни Telegram’да ўқинг!