17:23 / 16.07.2018
3 736

Бўрининг қотилини топганга 10 минг евро мукофот ваъда қилинди

Бўрининг қотилини топганга 10 минг евро мукофот ваъда қилинди
Германия бўриларни асраш уюшмаси Саксония федераль бирлигида бўрини ўлдирган қотилни топган киши учун 10.000 евро мукофот ваъда қилди. Бу ҳақда «Hurriyet»га таяниб "Хабар" нашри маълум қилмоқда.

«DW» телеканали маълумотларига кўра, Германиянинг Бауцен шаҳри яқинидаги кўлда отиб ташланган бўри жасади топилган. Ваҳший жонивор 1 ёшли нар бўлиб, аввал отиб ташланган, кейин кўксига бетон парчаси боғланиб, сувга чўктирилган.

«Бу воқеа инсоннинг ваҳшийлашиб бораётганини кўрсатади», – дейди Бўриларни асраш уюшмаси раиси Бригитте Соммер.

Германия қонунларига кўра, қотил топилса, у 5 йилгача озодликдан маҳрум қилиниши мумкин.

Германия заминида 150 йил мобайнида бўриларни учратиш қийин эди. 2000 йилдан кейин Германияда яна бўрилар пайдо бўлди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)