Сурияда Россия ҳарбийлари жангариларга тегишли 22 тонна олтин ва 3 млд доллар пулни қўлга киритди

Куни кеча Суриянинг Идлиб шаҳрида Россия ҳарбийлари махсус ҳарбий операция ташкил этишган. Операция шаҳарни ўз назоратида ушлаб турган дунёда фаолияти тақиқланган «ИШИД» ва бошқа жангари гуруҳларни йўқ қилишга бағишланганди.

Натижада улар 22 тонна соф олтин ва 3 миллиард доллар пулни қўлга киритишди. Шубҳасиз, бу бойликларни жангари каллакесарлар 7 йил давомида халқ мулкини талон-тарож қилиш йўли билан тўплаган.

Расмий хабарларга кўра, операция 13 соат давом этди. Ҳарбий операцияларда саккизта «Су-35» русумли қирувчи самолётлар ва 30 та вертолёт иштирок этди. Бойликларни автомобилларга юклашдан олдин қирувчи самолётлар омборларга олиб келувчи барча йўлларни бомбардимон қилди.

Қўлга киритилган барча бойликлар Россиянинг Хмеймимдаги ҳарбий базасига етказилди. Кейинчалик уларнинг барчаси Сурия марказий банки ихтиёрига берилади.

Манба: Hordiq.uz «Замин» янгиликларини «Вконтакти»да кузатиб боринг