Съёмка вақтида туянинг журналистларни топташига бир баҳя қолди (видео)

Кенияда телекўрсатувни суратга олиш жараёнида бирдан қутуриб кетган туя тележурналист Туку Кариуки (Thuku Kariuki) ва унинг ёрдамчисини босиб кетишига бир баҳя қолди, деб хабар берди Darakchi нашри.

Ҳодиса Самбуру қўриқхонасида, ҳар йили ўтказиладиган туялар пойгасини суратга олаётганда рўй берган. Журналистлар туя минган ҳолда видеога тушмоқчи бўлган. Чўккалаб турган туянинг устига минаётганда, жонивор шаҳд билан ўрнидан туриб, устидаги журналист ва унинг ёрдамчисини ирғитиб юборган. Ўзи эса ҳуркиб кетганидан суратга олиш майдончасидан қочиб кетган.
«Замин»ни Telegram’да ўқинг!