Рим папаси Мессини илоҳийлаштирмасликка чақирди

Рим папаси Франциск «Барселона» ҳужумчиси Лионель Мессига нисбатан ишлатилувчи баъзи эътирофларга муносабат билдирди.

«Назарий томондан Мессини худо дейиш – куфр келтириш демакдир. Бундай гапларни гапириш ва бунга ишониш мумкин эмас. Масалан, мен бунга ишонмайман. Футболчининг ўйинларидан завқ олиш мумкин, аммо унга сиғинмаслик керак. Месси жуда яхши футболчи, лекин у худо эмас», – деган Францискнинг сўзларини келтирмоқда Marca.

Қайд этиш жоиз, 82 ёшли понтификнинг ўзи ҳам футболга бефарқ эмас. У Аргентинанинг «Сан-Лоренсо» клубига мухлислик қилади.

Манба: Kun.uz «Замин»ни Telegram’да ўқинг!