07:12 / 25.04.2019
2 117

Хитойда Интерполнинг собиқ раҳбарини ҳибсга олишга қарор қилинди

Хитойда Интерполнинг собиқ раҳбарини ҳибсга олишга қарор қилинди
Хитой олий халқ прокуратураси Интерполнинг собиқ раҳбари, Хитой жамоат хавфсизлиги вазирининг собиқ ўринбосари Мэн Хунвэйни порахўрлик гумони билан ҳибсга олишга қарор қилди.

“Назорат бўйича давлат қўмитаси тергов якунлангандан сўнг порахўрликда гумон қилинаётган Мэн Хунвэй иши материалларини прокуратура идораларига кўриб чиқиш учун топширди”, дейилган хабарда.

Таъкидланишича, прокуратура Мэн Хунвэйни ҳибсга олишга қарор қилган, тергов давом этмоқда.

2018 йил октябрда Франция мутасадди идоралари Хитойга сентябрда жўнаган Интерпол президентининг йўқолиши бўйича тергов бошлаган.

Мэн Францияни 29 сентябрда тарк этгани ва шундан кейин алоқага чиқмагани маълум қилинган. Унинг йўқолгани ҳақида Интерполнинг бош қароргоҳи жойлашган Лионда фарзандлари билан бирга яшовчи рафиқаси хабар қилган.

Кейинроқ Хитой Мэн қонунни бузганликда гумон қилинаётгани ва назорат бўйича давлат қўмитаси унга нисбатан тергов ўтказаётганини маълум қилган. Шундан бир неча соат кейин Интерпол Мэн президент ваколатларини топширишни сўраганини маълум қилган. Франция идоралари ноябрда Мэннинг йўқолиши бўйича ишни ёпган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Хитойда Интерполнинг собиқ раҳбарини ҳибсга олишга қарор қилинди