Қирғизистон собиқ президенти Алмазбек Атамбоев жиноят оламидаги нуфузли шахс Азиз Батукаевнинг ноқонуний равишда озод қилиниши бўйича иш юзасидан терговчилар саволларига ОАВ орқали жавоб беришга тайёр. Бу ҳақда Атамбоевнинг юристи Сергей Слесарёв маълум қилди.
«Алмазбек Шаршенович ёзма кўринишда тақдим этилган саволларга жавоб беришга тайёр. Бу Атамбоевнинг очиқ хабарномаси доирасидаги жавоблар бўлади, аммо сўроқ шаклида эмас, яъни қонунни бузмаган ҳолда», - дейилади адвокат баёнотида.
Собиқ президент ИИВга сўроққа келиш ҳақидаги чақириқларни уч маротаба эътиборсиз қолдирди - Атамбоев парламент томонидан собиқ президент мақоми ва дахлсизлик ҳуқуқидан маҳрум қилинганидан кейин, унга чақирув қоғозлари кела бошлади.
Атамбоевни ҳуқуқий дахлсизликдан маҳрум қилишга сабаблардан бири 2013 йилда Азиз Батукаевнинг ноқонуний равишда озод қилиш бўйича айбловдир. Қирғизистон расмийлари ушбу иш бўйича терговни 2019 йилнинг баҳорида қайта тиклашди - унинг доирасида шифокорлар ва собиқ амалдорлар, шу жумладан, собиқ бош прокурор Аида Салянова қўлга олинди.
Атамбоевни таъқиб қилишга уринишлар унинг амалдаги президент Сооронбай Жээнбеков билан жанжаллашиши фонида кузатилмоқда. Уларнинг можароси 2018 йил баҳори, собиқ президент ҳозирги давлат раҳбари Жээнбеков ўзининг коррупцияга қарши кампанияси натижаларига шубҳа билдирганидан дарғазаб бўлганидан бери давом этмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Велосипедда сайр қилиш учун 3 сабаб: ёшартиради, оздиради ва умрни узайтиради
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
