Американинг нуфузли Forbes журнали бу йилги дунёнинг энг қудратли аёллари топ-100 рейтингини тақдим этди.
Рейтингни 9 йилдан буён Германия канслери Ангела Меркел бошқариб келмоқда. Иқтисодий қудратига кўра тўртинчи ўриндаги мамлакатнинг раҳбари амалда Европанинг лидери ҳамдир. Унинг етакчилиги Доналд Трамп қаршисида мардонавор туришидан тортиб, миллионлаб суриялик қочоқларни қабул қилишигача ўзини намоён қилди. Ўтган ҳафтада Меркел Парижда “Норманд тўртлиги” форматида Украина муаммоларини ҳал қилиш учун Франция, Россия ҳамда Украина раҳбарлари билан учрашди.
Иккинчи поғонада ноябр ойида Европа Марказий банки президенти бўлган Кристина Лагард. У ЕМБга раҳбар бўлган биринчи аёл ҳисобланади. Бундан олдин у 8 йил давомида – 2011-2019 Халқаро Валюта Фонди раҳбари бўлиб ишлаган. ХВФга раҳбарлиги даврида у бир неча маротаба Ўзбекистонга ҳам ташриф буюрган.
Бу йилги топ-100га кирган аёллар 6 та соҳада фаолият олиб боришади – бизнес (31), технология (17), молия (12), ОАВ ва кўнгилочар соҳа (14), сиёсат (22) ҳамда филантропия [барча инсонларга яхшилик қилишга интилувчи, умуман одамзодни севувчилар] (4).
Рейтингга 32 мамлакатдан аёллар кирган. Улардан энг ёши иқлим фаоли ҳамда яқинда Time журнали томонидан “Йил одами” дея эътироф этилган Грета Тюнберг (100 поғонада) бўлса, энг ёши каттаси Буюк Британия қироличаси Елизаветта II (40-ўрин).
Forbes талқини бўйича ер юзининг энг қудратли аёллари (топ-10):
1. Ангела Меркел (Германия канслери)
2. Кристина Лагард (ЕМБ президенти)
3. Ненси Пелоси (АҚШ Конгресси Вакиллар палатаси раисаси)
4. Урсула вон дер Лин (Еврокомиссия президенти)
5. Мери Барра (GM раҳбари)
6. Мелинда Гейтс (Bill and Melinda Gates Foundation асосчиларидан бири)
7. Эбигел Жонсон (америкалик миллиардер)
8. Ана Ботин (испаниялик банкир)
9. Жинни Рометти (америкалик тадбиркор)
10. Мерилин Ҳюсон (Lockheed Martin президенти) “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Америкалик олимлар барча учун бирдек фойдали жисмоний фаоллик турини аниқлади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Футзал. Осиё Кубоги. Тожикистон Японияни гуруҳда қолдирди
Владимир Путин «Крокус»да содир этилган теракт учун ўч олишга чақирди
Тошкентда 02 кодли авторақамлар тахминан қачон пайдо бўлиши айтилди
Ўзбекистонда ўтган уч ойда қанча автомобиль ишлаб чиқарилган?
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди