Жефф Безос/Фото: Andrew Harrer / Bloomberg via Getty Images
Дунёдаги энг йирик компанияларнинг молиявий директорлари Amazon компанияси эгаси, дунёдаги энг бадавлат одам Жефф Безосни (миллиардерларнинг глобал рейтингида биринчи ўрин; 2019 йил март ҳолатига кўра - 131 миллиард доллар) ўн йилликнинг энг яхши тадбиркори деб ҳисобламоқда.
Буни CNBC Global CFO Council томонидан ноябрь ойининг охири - декабрь ойининг бошларида ўтказилган сўров натижалари кўрсатди. Безосга респондентларнинг учдан бир қисми овоз берган, деб ёзмоқда CNBC.
Сўров натижаларига кўра иккинчи ўринни Alibaba интернет-ретейлери асосчиси, хитойлик Жек Ма (Хитой миллиардерлари рейтингида биринчи ўрин; унинг бойлиги 38,2 миллиард долларни ташкил этади) эгаллади, у бу йил компания раҳбари лавозимидан истеъфога чиқди.
Учинчи поғонада Tesla ҳамда SpaceX раҳбари Илон Маск (миллиардерларнинг глобал рейтингида 40-ўрин; бойлиги - 22,3 миллиард доллар).
Сўров иштирокчилари, шунингдек, Microsoft бош директори Сатя Наделла, Apple раҳбари Тим Кук, сармоядор Уоррен Баффет (глобал миллиардерлар рейтингида 3-ўрин; бойлиги - 82,5 миллиард доллар) ва JPMorgan Chase бош директори Жейми Даймонни (глобал миллиардерлар рейтингида 1717-поғона; 1,3 млрд доллар) тилга олишди.
Дастлаб фақатгина китобларни онлайн сотиш билан шуғулланган Amazon компанияси 1994 йилда Безос томонидан ташкил этилган. 25 йил ичида у дунёдаги энг йирик онлайн-дўконга айланди. Компания чакана савдо билан бир қаторда, булутли ҳисоблаш ва сунъий идрок соҳасидаги фаолиятидан даромад ҳам олади, дея таъкидлайди CNBC. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Хотирани яхшилашнинг жуда оддий усули топилди
Бизнес имкониятингизни кенгайтиринг
Бухоро вилоятида «Нексия-3» автомашинаси букланиб қолди
Сирдарёда бюджетга жуда кўп миқдорда зарар етказган майнинг ферма аниқланди
Давлат хавфсизлик хизмати маклерларга қўшиб мансабдорларни ҳам қўлга олди