“Хориж валютасида савдо қилиш иқтисодга зарбадир!”

  • 20 декабрь 2019, 16:13
  • 880
  • Дунё
  • “Хориж валютасида савдо қилиш иқтисодга зарбадир!”
    Туркия президенти Ражаб Тоййиб Эрдоғон пайшанба куни Куала-Лумпурда мусулмон мамлакатлар саммити доирасида ташкил этилган “Ривожланишнинг устувор йўналишлари ва муаммолар” мавзусидаги йиғинда иштирок этди.

    У Суриянинг шимоли-шарқида хавфсиз ҳудуд яратиш бўйича Анқаранинг чақириқларига чет элдан жавоб бўлмаётганини, ваҳоланки, айрим давлатлар Сурияга қурол-яроғ етказиш таклифига дарҳол жавоб қайтаришини айтди. Эрдоған Суриянинг шимоли-ғарбида вазият оғирлашганига эътибор қаратди.

    “Айни пайтда Туркия чегарасида Идлиб деэскалация зонасидан келган 50 минг нафар киши тўпланган. Тўрт миллион нафар қочқин аллақачон Туркияда, яна 50 минг нафари чегарада кутмоқда”, – деди президент.

    Туркия раҳбари иқтисодий масалаларга тўхталар экан, исломий банкларнинг аҳамиятига ва миллий валютадаги тўловларнинг фойдали жиҳатларига тўхталиб ўтди.

    “Миллий валютада савдо қилишга ўтиш мусулмон мамлакатлар учун устувор йўналишдир” – деди Эрдоған. Унинг сўзларига кўра, чет эл валюталарида савдо юритиш иқтисодиётни ташқи зарбалардан сақлай олмайди.

    » » “Хориж валютасида савдо қилиш иқтисодга зарбадир!”