Россия Федерал биотиббиёт агентлиги томонидан тақдим этилган коронавирусга қарши Мефлохин препарати таъсири енгил кечади ва аниқ антикоронавирус таъсирига эга, деди ФМБА (Федерал биотиббиёт агентлиги) раҳбари Вероника Скворцова.
"Мефлохин" ва гидрохлорид - безгакка қарши белгиланган хининли дориларнинг аналоглари, аммо токсик кучи унчалик жиддий эмас, енгил кечади ва антикоронавирус эффекти яққол сезиларли, яъни микроконцентрацияларда (литрига ўн миллимол) ушбу дори тўқима маданиятида цитопатик таъсирни тўлиқ ингибирлаштирилишига олиб келади", - деди Скворцова "Россия 1" каналидаги "Владимир Соловёв билан оқшом" дастурида.
У ФМБА Мудофаа вазирлигининг Микробиология институти билан дори воситаси устида бирга изланишлар олиб борилаётганини таъкидлади.
ФМБАда клиник синовларни ўтказиш учун Мефлохиннинг уч мингга яқин қутиси мавжуд, деди Скворцова. ФМБА препаратни Коммунаркадаги шифохонага бериб юборишга тайёр.
Агентлик раҳбари ушбу дори нафақат даволаш учун, балки профилактика учун ҳам самарали бўлиши мумкинлигини таъкидлади.
"Агар бу клиник синовларда тасдиқланса, унда биз самарали даволаш воситасига эга бўламиз", - деб таъкидлади Скворцова.
Илгари ФМБА Мефлохин безгакка қарши дориси асосида коронавирус инфекциясини даволаш схемасини ишлаб чиққан.
Бутунжаҳон соғлиқни сақлаш ташкилоти 11 март куни янги турдаги коронавирус инфекцияси COVID-19 тарқалишини пандемия, деб эълон қилди. БССТ тақдим этган сўнгги маълумотларга кўра, дунёда вирусни юқтирганлик бўйича 690 минг ҳолат аниқланган, 33 мингдан зиёд инсон вафот этган.
АҚШ, Италия, Испания ва бир қатор Европа мамлакатларида коронавирус билан боғлиқ мураккаб вазият юзага келмоқда. COVID-19 тарқалиши бошланган Хитойда эпидемия тугагани ҳақида кеча - 30 март куни эълон қилинди.
Бугунги кунга қадар Россияда коронавирус билан касалланган 1836 бемор рўйхатга олинди (уларнинг 1226 таси Москвада), 66 бемор соғайиб кетган.
Ўзбекистонда 158та касалланиш ҳолати қайд этилди. 7 киши тузалди, 2 киши вафот этди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Освенцимда минглаб яҳудийлар «Тириклар марши» акциясини ўтказди
Президент Мирзиёев Москва парадидаги иштирокидан сўнг Тошкентга қайтди
Россияда америкалик аскар ўғриликда айбланиб қўлга олинди
ОАВ: Марказий Осиё давлатлари дронлар билан қуролланмоқда
ҲАМАС Ғазода ўт очишни тўхтатиш бўйича таклифни қабул қилди
"Боруссия Д" ЕЧЛ финалида "Реал"га мағлуб бўлса, кўпроқ фойда кўради...
Кўк чой ичганда танада қандай ўзгаришлар содир бўлади?