Америкалик хонанда Майли Сайрус ва унинг турмуш ўртоғи шифокорларга бепул тушлик тарқатди

Америкалик қўшиқчи Майли Сайрус ва унинг турмуш ўртоғи Коди Симпсон 5 апрель, якшанба куни, Лос-Анжелесдаги шифохоналарнинг биридаги тиббиёт ходимларига бепул тушлик тарқатди. Бу ҳақда Коди Симпсон ўзининг Instagram’даги саҳифасида маълум қилди.

^{Фото: Instagram/@codysimpson}
Қайд этилишича, юлдузлар шифокорларнинг фидокорона фаолиятига миннатдорчилик сифатида «Кўмагингиз учун раҳмат, кучли бўлиб қолинг», деб ёзилган 120 ўрам таомларни шахсан ўзи топширган.

View this post on Instagram

Tacos for the incredible healthcare workers at our local hospital! So grateful for these true legends of our time dedicating their lives to battling this pandemic. Show some love to yours in your community!

A post shared by Cody Simpson (@codysimpson) on Apr 4, 2020 at 1:41pm PDT

«Маҳаллий шифохона шифокорлари учун тако (мексика ошхонаси таоми)! Шифокорлар — ўз ҳаётини пандемияга қарши курашишга бағишлаган замонамиз қаҳрамонлари. Бунинг учун улардан чексиз миннатдормиз», — деб ёзиб қолдирган Коди Instagram’даги саҳифасида.

Коронавирусга қарши курашда тиббиёт ходимлари жонбозлик кўрсатаётгани бутун дунёда эътироф этилмоқда. Давлат раҳбарлари, қирол оиласи вакиллари ва машҳурлар тиббиёт ходимларининг бундай вазиятдаги жасоратини олқишламоқда.