Англиялик ўқитувчи ўқувчиларига тушлик етказиш учун ҳар куни 10 км масофани пиёда босиб ўтади

^{Фото: Grimsby Telegraph}
Англиянинг Гримсби шаҳридаги мактаб директори ёрдамчиси Зейн Паулз кам таъминланган оилаларда яшовчи ўқувчиларига бепул тушлик етказиб бериш учун ҳар куни қарийб 10 километр масофани пиёда босиб ўтади, деб ёзади Grimsby Telegraph.

Паулзнинг 18 килограммлик рюкзагида овқатдан ташқари ўқувчиларининг уй вазифалари ҳам бор. У ҳар куни энг камида 78 нафар ўқувчисини кўриб келади.
Қайд этилишича, Паулз аввал ҳарбий бўлган, шунинг учун бу иш унга қийинчилик туғдирмайди. Унинг сўзларига кўра, бу ўқувчиларнинг ҳолидан хабар олиш учун янги имконият.

Teacher @zaneyteacher is walking 5 miles a day to deliver free meals to his students. pic.twitter.com/vvq4jzDW4I

— Vala Afshar (@ValaAfshar) April 18, 2020

Ушбу мактаб директори Ким Лич ва яна бир ўқитувчи узоқроқда яшайдиган яна 25 ўқувчига бепул тушликни машинада етказиб беради.
Паулз маҳаллий аҳоли томонидан қаҳрамон деб тан олинган.

«Кимнинг хабари бўлмаса, менинг отам — Гримсбидаги мактабда директор ўринбосари. У карантиндаги кам таъминланган ўқувчиларига тушлик етказиб бериш билан шуғулланади. Қаҳрамон. Мен у билан фахрланаман». «Замин» янгиликларини «Вконтакти»да кузатиб боринг