Янги мода. Дисплейга эга ҳимоя ниқоби яратилди (видео)

^{Фото: Hi-Tech.Mail.ru}
Америкалик дизайнер юпқа LED-дисплейни юз учун мўлжалланган ниқоб матосига жойлаштирди. Ундан коронавирусга қарши фойдаланиш мумкин, деб хабар беради Hi-Tech.Mail.ru.

Челси Клукас исмли аёл дастлаб YouTube’га қўл остидаги материаллардан экранли ниқоб йиғиш бўйича оддий қўлланмани эълон қилган. Видео остига қолдирилган изоҳларда кўпчилик тайёр ниқобни қаердан харид қилиш мумкин деб сўрайвергач, у ишлаб чиқаришни йўлга қўйишга қарор қилган.

It's here! Just in time for the weekend so I can do nothing other than create custom animations to put on my face pic.twitter.com/BhPqrrvnPB

— Mary Etta West (@_LightningHawk) July 17, 2020

У юз учун мўлжалланган оддий матони олган ва унга ўнлаб ёруғлик диодларга эга юпқа LED-дисплейни қоплаган. Бу юзга тақилган ниқобда бирор матн ёки оддий суратлар тасвирини тушириш учун етарли. Ҳатто узун жумлаларни ҳам жойлаштириш ёки мусиқа учун визуал эквалайзерни ёқиш мумкин.

Wear a effin mask (@lumencouture ) pic.twitter.com/xr5BKqfE8H

— Chris McMahon (@chris_mcmahon) July 5, 2020

Ниқоб экранидаги тасвирлар смартфондаги илова орқали бошқарилади — тайёр кутубхонадан бирор матн ёки тасвирни ҳам танлаш мумкин. Фаол режимда ниқоб бир марта қувватланиш орқали 3-4 соат ишлай олади. Уни дезинфекция қилиш учун эса, барча электроникани олиб қўйса ҳам бўлади.

Дизайнер бу турдаги ниқобларни ўзининг сайти орқали 95 доллардан сотмоқда. Челсининг сўзларига кўра, у бунинг ортида пул ишлаб топиш ниятида эмас, шу сабабли ниқобларни сотишдан кўрилган барча фойдани у коронавирусга қарши кураш фондига хайрия қилади.

Thanks for the mask @chelscore! pic.twitter.com/fJOPlepEQn

— vasuvasu (@vasuvasu) June 21, 2020

“Замин” янгиликларини “Twitter”да кузатиб боринг