Фото: ТАСС
Қирғизистоннинг собиқ президенти Алмазбек Атамбоев Бишкекдаги 1-сонли тергов изояторидан 47-сонли колонияга ўтказилади. Аввалроқ Атамбоев Давлат миллий хавфсизлик қўмитаси тергов изоляторидан 1-сонли тергов изоляторига ўтказилгандан кейин очлик эълон қилганди.
27 октябрда Атамбоевнинг олдига Қийноқлар олдини олиш бўйича миллий марказ ходимлари ташриф буюришган. Марказ вакилларининг таъкидлашича, собиқ президент 1-қаватдаги 4 кишилик камерада яна бир судланувчи билан бирга сақланмоқда.
“Атамбоев суҳбат чоғида ёмон шароитлар, жумладан камерадаги паст ҳароратдан шикоят қилган. Атамбоев очлик эълон қилишини Азиз Батукаев иши бўйича суд жараёни ёпиқ тарзда ўтаётгани билан тушунтирган. Бундан ташқари, уни тиббий ёрдамга муҳтожлиги сабабли Давлат миллий хавфсизлик қўмитаси тергов изоляторидан 47-колонияга ўтказишлари керак эди. Бироқ бугунги кунда у 1-сонли тергов изоляторида сақланмоқда. У суд жараёнининг очиқ режимда ўтказилиши ва дарҳол 47-сонли колонияга ўтказилишини талаб қилмоқда”, деб маълум қилган марказ вакили.
Атамбоев Қирғизистонда октябрь бошида юз берган оммавий тартибсизликлар вақтида тергов изоляторидан озод қилинганди. Бироқ 10 октябрдаёқ сиёсатчи махсус хизматлар ходимлари томонидан ушланиб, яна панжара ортига жўнатилган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Америкалик олимлар барча учун бирдек фойдали жисмоний фаоллик турини аниқлади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Футзал. Осиё Кубоги. Тожикистон Японияни гуруҳда қолдирди
Владимир Путин «Крокус»да содир этилган теракт учун ўч олишга чақирди
Тошкентда 02 кодли авторақамлар тахминан қачон пайдо бўлиши айтилди
Ўзбекистонда ўтган уч ойда қанча автомобиль ишлаб чиқарилган?
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
