Фото: Reuters
Аргентина Сенати ҳомиладорликнинг 14-ҳафтасигача аборт қилишга рухсат берувчи қонунни қабул қилишга овоз берди. Қонунни 38 сенатор қўллаб-қувватлади, 29 нафари қарши овоз берди, яна бири бетараф қолди, деб хабар бермоқда Meduza, BBC News’га таяниб.
Овоз бериш пайтида қонун қабул қилиниши тарафдорлари ва унга қарши чиққанлар Аргентина Миллий Конгресси биноси олдига йиғилиб, парламент биноси ташқарисида ўрнатилган катта экранда Сенатдаги мунозарани кузатиб турган. Абортни қўллаб-қувватловчилар сенаторлар қарорини хурсандчилик билан қарши олган.
Аввалроқ, декабрь ойи бошида Аргентина парламентининг қуйи палатаси абортни қонунийлаштириш тўғрисидаги қонунни маъқуллаганди. Шу билан бирга, сайловолди ташвиқоти пайтида абортга рухсат берилишини ёқлаб чиққан мамлакат президенти Альберто Фернандес ҳам буни қўллаб-қувватлаган. Фернандес Twitter’даги саҳифасида Сенат қарорига муносабат билдириб, «хавфсиз, қонуний ва бепул аборт қилиш — бу қонун» деб ёзган.
2018 йилда сенаторлар абортни қонунийлаштиришга қарши овоз берганди, аммо бу йил қонунни Аргентина сўл марказчи ҳукумати қўллаб-қувватлади, деб қайд этган Associated Press.
Аргентинада дунёдаги энг кескин аборт қонунларидан бири амал қилганди — ҳомиладорликни фақат зўрлаш ҳолатида ёки ҳомиладорлик онанинг ёки ҳомиланинг ҳаётига таҳдид солган тақдирдагина, тўхтатишга рухсат берилганди.
Абортни қонунийлаштириш тарафдорларининг фикрича, қонуннинг қабул қилиниши ноқонуний абортга чек қўяди. 2018 йилда Аргентина Соғлиқни сақлаш вазирлиги мамлакатда ҳар йили камида 350 мингта ноқонуний аборт амалга оширилаётганини маълум қилган, ҳуқуқ ҳимоячилари эса бундан-да кўпроқ аборт қилинаётганига ишончи комил. 1983 йилдан буён бундай аборт оқибатида уч мингдан ортиқ аёл вафот этган.
Аборт Салвадор, Никарагуа ва Доминикан республикасида бутунлай тақиқланган, Куба, Гаяна ва Уругвайда эса бутунлай қонунийлаштирилган. Лотин Америкасининг аксарият давлатларида ҳомиладорликни тўхтатишга маълум сабаблардагина рухсат берилган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?
Эрон президенти жиддий баёнот берди: «Исроилдан ҳеч нарса қолмайди»
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
