09:43 / 09.01.2021
1 754

Қирғизистонда ҳокимиятни куч билан эгаллаб олиш ҳақидаги аудиоёзувлар тарқалди

Қирғизистонда ҳокимиятни куч билан эгаллаб олиш ҳақидаги аудиоёзувлар тарқалди
Фото: EPA
Қирғизистон Давлат миллий хавфсизлик қўмитаси баъзи сиёсатчиларнинг мамлакатдаги ҳокимиятни куч билан эгаллаб олиш ҳақида ижтимоий тармоқларда тарқалган аудиоёзувларининг ҳақиқийлигини текширмоқда.

Қўмитада таъкидланишича, махсус хизмат баъзи сиёсатчилар, президент лавозимига номзодлар ва уларнинг тарафдорларининг 2021 йилда инқилоб уюштириш ҳамда президент сайловлари ва референдумдан кейин оммавий норозиликлар ўтказиш ҳақидаги суҳбатларини текширувдан ўтказмоқда ва материаллар тегишли экспертизаларга жўнатилади.

Ўтказиладиган экспертизалар натижасида ҳокимиятни куч билан эгаллаб олишга чорлаган шахсларнинг ҳаракатларига ҳуқуқий баҳо берилади. Қўмитада ҳокимиятнинг куч билан эгаллаб олинишига қаратилган хатти-ҳаракатлар учун жиноий жавобгарлик борлиги эслатиб ўтилган.

Қирғизистонда муддатдан аввал президент сайловлари 10 январда бўлиб ўтади. Ушбу лавозимга 17 номзод даъвогарлик қилмоқда. Бир вақтда республикада республикадаги бошқарув шакли бўйича референдум ўтказилади. Фуқаролар президент ёки парламент бошқаруви ўртасида танлов қилишлари керак бўлади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Қирғизистонда ҳокимиятни куч билан эгаллаб олиш ҳақидаги аудиоёзувлар тарқалди