Фото: AP Photo
АҚШ президенти Жо Байден 1 февраль, душанба куни мамлакатнинг ташқи сиёсатда тутган йўли борасидаги режаларни эълон қилади. Бу ҳақда NBC News давлат раҳбари маъмуриятидаги юқори мансабли манбасига таяниб хабар берди, деб ёзади «РБК».
Унинг сўзларига кўра, Байден «АҚШнинг дунёдаги ўрнини қайта тиклаш»га қаратилган ташқи сиёсат бўйича ниятларини маълум қилади. Мансабдорнинг айтишича, бу Байденнинг лавозимига киришганидан кейинги биринчи муҳим сиёсий мурожаати бўлади ва у Давлат департаментига режалаштирилган ташриф чоғида эълон қилиниши мумкин. У ерда президент давлат котиби Энтони Блинкен билан учрашув ўтказмоқчи, шунингдек, идора ходимлари билан суҳбатлашмоқчи.
Телеканал манбалари маълум қилишича, Байден Давлат департаментида бўлган пайти АҚШнинг дунё майдонидаги ҳодисаларга нисбатан янгича ёндашувини намойиш қилишга интилишлари билан боғлиқ бўлган бир қатор фармойишларни имзолаши кутилмоқда. Шундай ҳужжатларнинг бирига мувофиқ, АҚШнинг аввалги маъмурияти томонидан оилаларидан ажратилган муҳожирларни яна оилалари билан бирлаштириш билан шуғулланувчи бутун бир гуруҳни шакллантириш режалаштирилмоқда.
Байден 20 январь куни АҚШ президенти лавозимига киришди. Ўша вақтдан буён у Дональд Трампнинг бир нечта буйруқларини бекор қилишга улгурди. Хусусан, Байден АҚШни иқлим бўйича Париж битимига қайтарди, мамлакатнинг Жаҳон соғлиқни сақлаш ташкилотидан чиқишини бекор қилди, Мексика билан чегарада девор қурилишини тўхтатди, АҚШга баъзи ночор мамлакатлар фуқароларининг киришига рухсат берди ва Канададан АҚШга келадиган нефть қувури қурилиши учун берилган рухсатни бекор қилди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Крокус»даги ҳужум бўйича саккизинчи айбланувчининг исми ошкор қилинди
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди
АҚШ расмийлари: Миллионлаб америкаликлар хитойлик ҳакерлар ҳужумига учраган
Россия Ғазога 29 тоннадан ортиқ инсонпарварлик ёрдами жўнатди
Дубай ҳукмдорининг энг гўзал қизи қандай ҳаёт кечиради?
АҚШ полициячиларининг «ақлли қарори» Legoга маъқул келмади
«Толибон» Москвадаги теракт ташкилотчиларини йўқ қилишга ваъда берди