Фото: Reuters
Америкалик миллиардер ва тадбиркор Илон Маск руҳий бузилиш – Аспергер синдромидан азият чекишини тан олди. Ушбу муаммо ижтимоий мулоқотдаги қийинчиликлар билан ифодаланади.
Tesla ва SpaceX компаниялари асосчиси бу ҳақида NBC телеканалидаги Saturday Night Live мусиқий-ҳажвий дастурга бошловчилик қилганда маълум қилди.“Мен учун Saturday Night Live бошловчиси бўлиш катта шараф. Бугунги чиқишим – тарихийдир, чунки мен ушбу дастурнинг Аспергер синдромига эга биринчи бошловчиси бўламан. Жуда бўлмаса, буни тан олган биринчи бошловчисига айланаман”, деб айтган Маск.
У кириш нутқида Twitter’даги саҳифасида турлича қабул қилинувчи нарсалар тўғрисида тез-тез ёзиши ҳақида ҳазиллашган.
“Миям шундай ишласа нима қилай?”, деб айтган тадбиркор.
“Мен электроавтомобилларни қайтадан ихтиро қилдим ва фазовий кемаларда Марсга одамларни жўнатмоқчиман. Сиз шунча қобилиятим билан мени оддийгина вазмин йигит, деб ўйлаганмидингиз?”, деб ҳазиллашган Маск.
Маълумотларга кўра, Аспергер синдромидан азият чекувчилар ўз ҳис-туйғуларини анъанавий усулда ифодалашда қийналадилар, уларда ижтимоий мулоқотда ва атроф-муҳитни идрок қилишда муаммолар юзага келади. Бу синдромга эга одамлардан аксарияти бор диққат-эътиборини ўзларининг аниқ бир қизиқишларига қаратиб, бу қизиқишлари атрофида муваффақиятли фаолият юритадилар. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Зоир Мирзаев “Телефонсиз мактаб”га 300 млн сўм мукофот берди
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
