Фото: «INGIMAGE/ASAP»
Исроил дунёда биринчи бўлиб коронавирусга қарши капсула шаклидаги вакцинани яратди ва унинг клиник синовларига ҳозирлик кўрмоқда. Бу ҳақда Oramed Pharmaceuticals фармацевтика компаниясига таяниб The Jerusalem Post нашри хабар берган.
Синовлар Соғлиқни сақлаш вазирлиги томонидан тасдиқланган заҳоти Сураски номидаги тиббиёт марказида бошланади: бу яқин ҳафталар ичида юз бериши кутилмоқда. Синовда ҳали эмланмаган 24 нафар кўнгилли иштирок этади. Уларнинг ярми битта капсуладан, қолганлари эса иккита дозадан препарат қабул қилишади. Тадқиқот олти ҳафта давом этади.
Oramed Pharmaceuticals компанияси бош директори Надав Кидрон янги турдаги орал вакцинанинг бир қанча афзалликларини санаб ўтди. Биринчидан, у «коронавируснинг турли хил штаммларига нисбатан анча чидамли», чунки у Moderna ва Pfizerдан фарқли ўлароқ, вируснинг учта тузилмали оқсилига қаратилади. Иккинчидан, бундай препаратларнинг нохуш таъсирлари камроқ бўлади.
Бундан ташқари, вакцинани дунё бўйлаб етказиб бериш осон, негаки уни сақлаш учун махсус шароитлар талаб этилмайди. Кидроннинг сўзларига кўра, уни музлатгичнинг стандарт ҳароратида ташиш мумкин. Хона ҳароратида эса бемалол сақласа бўлади. Мутахассиснинг фикрича, бу келгусида одамларнинг ўзлари уйида мустақил равишда вакцина қабул қилишларига имкон беради.
Oramed Pharmaceuticals компаниясининг бош директори агар синовлар яхши ўтадиган бўлса, у бошқа мамлакатларда вакцинани тасдиқлаш учун мурожаат қилишини қўшимча қилган. Унинг сўзларига кўра, бундай препаратларга, айниқса, Жанубий Aмерика давлатлари катта эҳтиёж сезмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина аскарлари Зеленскийнинг баёнотига кутилмаган муносабат билдиришди
Қирғизистон президенти масжидда намоз ўқиб, ифторлик берди
Путиннинг навбатдаги олти йиллик бошқаруви Россия ва дунёга нима олиб келади?
Эксперт: Путиннинг сайловдаги ғалабаси Ўзбекистон билан муносабатларни мустаҳкамлайди
Путиннинг ишончли вакилига суиқасд қилишга уриниш бўлди
Ўткир томоқ оғриғининг келиб чиқиш сабаблари ва уни бартараф этиш усуллари
Пермдаги сайлов участкасида портлаш юз берди
Майк Тайсон Жейк Полга қарши жангдан 20 миллион доллар гонорар олади