Муниса Магамет опа-сингиллари билан онасининг туғилган кунига автомобил совға қилди (видео)

Кўпчиликка “Қизим” ва “Пулинг бўлса” сериалларидаги роллари орқали таниш бўлган актриса Муниса Магамет опа-сингиллари билан онасининг туғилган куни муносабати билан унга кутилмаган совға тайёрлади.

Актриса ва опа-сингиллари онасига BYD русумли автомобилни совға қилишди. Бу ҳақдаги видеолар ижтимоий тармоқларда тарқалди.

Кадрларда онасига янги автомобил топширилгани, унинг эса совғадан хурсанд бўлгани акс этган. Муниса ва опа-сингиллари шу тариқа оналарини туғилган куни билан табриклаб, оналарига ўз меҳр ва эътиборларини намойиш этишган.

Актрисанинг мухлислари ҳам видеога илиқ муносабат билдириб, онасига билдирилган эътибор ва совғани олқишлаган.