Ёз фаслида иложи борича кўпроқ голубика истеъмол қилиш учун 7 та сабаб

^{Фото: «Новий очаг»}
Голубика — барча мевалар орасида антиоксидант бўйича чемпион ҳисобланади. «Новий очаг» нашри ушбу меванинг яна бир қанча фойдалари билан таништирди.

Антоциан — голубикаларга ранг берадиган антиоксидант бўлиб, яллиғланишга қарши курашиш ва ҳужайраларни ҳимоя қилиш учун кучли хусусиятларга эга. Бундан ташқари, табиий ширин таъмга эга маҳсулот баъзи бошқа ширинликларга қараганда деярли калорияларни ўз ичига олмайди. Бироқ истеъмол қиладиган ҳар бир нарсага голубика қўшишнинг бошқа кўплаб сабаблари бор.

1 стакан голубиканинг озуқавий қиймати:
- калория таркиби: 85 ккал
- ёғлар: 0,5 грамм
- углеводлар: 21 грамм
- клетчатка: 3,6 грамм
- шакар: 15 грамм
- оқсил: 1,1 грамм
- калий: 114 мг
- C витамини: кунлик меъёрнинг 24 фоизи
- B6 витамини: кунлик меъёрнинг 5 фоизи

Голубиканинг соғлиқ учун фойдалари
Голубикалар нафақат муҳим озуқавий C витаминига бой, балки у турли йўллар билан организмга қувват бериши ҳам мумкин.

Сурункали касалликлар хавфини камайтиради
Меваларда мавжуд бўлган антиоксидантлар яллиғланишни ва эркин радикалларга қарши кураш орқали бир қатор касалликлар хавфини камайтириши мумкин.

Мия саломатлигини яхшилайди
Голубикалардаги флавоноидлар қон айланишини яхшилаш ва мия ҳужайраларини шикастланишдан ҳимоя қилиш орқали когнитив пасайиш ва деменсия хавфини камайтиради.

Юракни ҳимоя қилади
Баъзи тадқиқотлар голубика истеъмол қилишни қон босимини пасайтириш билан боғлайди. Голубика қон томирларига ёрдам берадиган полифенолик бирикмаларга бой бўлганлиги сабабли улар юракни ҳимоя қилувчи маҳсулот ҳисобланади.

Антиоксидантларга бой кўплаб маҳсулотлар суперфуд деб аталади, аммо бу ҳали аниқланмаган. Бироқ ушбу мева жуда кўп антиоксидантларни ўз ичига олади ва севиб истеъмол қилинади.

Музлатилган голубика фойдалими?
Ушбу резаворлар мавсумдан қатъи назар, ҳар қандай газакни ажойиб даражада ширин, тўйимли ва фойдали қилади. Одатда соғлиқ учун фойдасини максимал даражада ошириш ва мазасини сақлаб қолиши учун голубика музлатилиб қўяди.

Голубика вазн ташлашга ёрдам берадими?
Ҳар қандай озиқ-овқат истеъмолидан вазн ортиши мумкин, агар у жуда кўп истеъмол қилинса, лекин голубика ҳақида гап кетганда, бунинг акси юз беради. Бир стакан голубика атиги 80 калория ва 9 граммгача клетчаткани ўз ичига олади, минимал калория билан максимал лаззатдан ташкил топган бундай комбинация узоқ вақт тўқлик ҳисси билан таъминлайди.

Голубика энергияни оширадими?
Мевалардаги эрийдиган ва эримайдиган клетчаткаларнинг комбинацияси ошқозон-ичак трактида овқат ҳазм қилиш тезлигини секинлаштириши мумкин, бу эса қонда шакарнинг бир текис оқишини, барқарор ва узоқ давом этадиган энергия кучайишига ёрдам беради. Ушбу хусусият туфайли голубика қандли диабет ёки қонда шакар даражасини кузатадиган бошқа одамлар учун жуда фойдали.

Голубикани қандай истеъмол қилиш керак?
Рационга қандай шаклдаги голубикани қўшиш мумкин. Ундан салатлар, музлатилган ҳолатда ичимликлар тайёрлаш тавсия этилади. Уй шароитида голубикадан смузи, қуймоқ ва ширинликлар пиширишда фойдаланиш саломатлик учун фойдалидир. “Замин” янгиликларини “Facebook”да кузатиб боринг