Кефирли гречка: уларни биргаликда истеъмол қилиш кераклигининг 13 сабаби

Тўғри, гречка дони ҳеч кимни ажаблантирмайди. Аммо унга бошқа бир маҳсулот қўшсангиз, таъсири кучлироқ бўлади. Эрталабки кефир билан гречка вазн йўқотиш ва токсинлардан халос бўлишга қандай ёрдам беришини айтамиз.

Саломатлик ҳолати (албатта, вазн ҳам) нафақат турмуш тарзига, балки овқатланишга боғлиқ. Организмга салбий таъсир кўрсатадиган, токсинларни ўз ичига олган кўплаб озиқ-овқатлар мавжуд. Аммо, аксинча, бу токсинлардан халос бўлишга ёрдам берадиган “дуэт” — гречка ва кефир ҳақида гапирамиз.

Гречканинг фойдалари

Гречкали таомлар узоқ вақтдан бери машҳур бўлиб келган. У паст калорияли бўлса ҳам жуда фойдали. Гречка таркибида А (бета-каротин шаклида), E (токоферол), P (биофлавоноид рутин), B гуруҳи (тиамин, рибофлавин, ниасин, пиридоксин, фолий кислотаси) витаминлари мавжуд. Гречканинг витамин ва минераллар “жамоаси” калий, магний, фосфор, калций, рух, селен ва бошқа кўплаб муҳим микро ва макро элементлар билан бойитилган. Кўп миқдорда ўсимлик углеводлари (30 фоизгача), аминокислоталар аргинин, лизин, метионин, триптофан, шунингдек, лимон кислотаси туфайли организмда метаболизм нормаллашади, организмда сув-туз ва кислота — базавий мувозанат сақланади. Гречканинг бундай хилма-хил ва мувозанатли биокимёвий таркиби унинг юқори энергия ва озуқавий қиймати, шунингдек, донли парҳез маҳсулотлари орасида муносиб етакчиликни эгаллайди.

Гречканинг муҳим хусусиятлари:

• Қонда гемоглобин миқдорини оширади;
  
• Қанд даражасини тартибга солади;
  
• Зарарли холестеринни йўқотади;
  
• Қон томирларини мустаҳкамлайди, шикастланишдан ҳимоя қилади;
  
• Гречка оқсили гўшт оқсилига ўхшайди, шунинг учун тўйимлилик ҳисси узоқ вақт давом этади;
  
• Гречкани мунтазам истеъмол қилиш саратон хавфини камайтириши мумкин.

Кефирнинг фойдалари

“Дуэт”нинг иккинчи компоненти кефирдир. У калсийга бойлиги билан машҳур. Кунига атиги бир стакан қатиқ бу модданинг кунлик дозасини олиш имконини беради. Бундан ташқари, кефир таркибида жуда кўп миқдорда протеин ва бир оз ёғ мавжуд.

Кефирнинг фойдали хусусиятлари:

• Ундаги микроорганизмлар ичак микрофлораси таркибини тартибга солишда иштирок этадиган ижобий бактериялар учун қулай муҳит яратади. Бу овқат ҳазм қилишни яхшилайди, шунда озиқ-овқат қолдиқлари ичакларда турғун қолиб кетмайди;
  
• Кефир ўт пуфаги ва жигар касалликлари фаолиятини яхшилайди;
  
• Ҳатто, юрак ҳам осон ишлайди, чунки бу органга юк камаяди;
  
• Асаб тизимининг ҳолати барқарорлашади;
  
• Ижобий таъсирлардан яна бири — кефир жигар сиррози ва саратон касаллигини олдини олади;
  
• Сутга аллергияси бўлган одамлар ҳам кефир ичишлари мумкин, чунки у гиппоаллергенлик хусусиятига эга.

Гречкали кефирнинг қандай фойдаси бор?

^{Фото: “Лиса.ру”}
Ушбу маҳсулотларни биргаликда истеъмол қилиш организмни тозалайди ҳамда ортиқча вазнни йўқотишга сабаб бўлади. Тозалаш жараёни табиий йўл билан, обдон ва оғриқсиз содир бўлади.

Кефирли ёрмалар заҳарланишдан кейин ҳам тавсия этилади, чунки у ошқозонга аста таъсир қилади ва организмдан токсинларни чиқариб юборишга ёрдам беради.

Тозалаш эффектини сезиш учун кефирли гречкани эрталаб истеъмол қилиш тавсия этилади, чунки куннинг шу вақтида ичакларнинг иши тезлашади ва организм фойдали элементларни сўриб олишга тайёр бўлади. Кефирли гречкани тайёрлаш учун бир қанча халқона рецептлари мавжуд. Интернетдаги шарҳларга кўра, уларнинг ҳар бири организмга ижобий таъсир қилади. Қуйидаги рецептлардан ўзингизга маъқул вариантни танлаб олишингиз мумкин.

Тонгги кефирли гречка организмни тозалайди

Организмни тозалаш учун кефир билан гречкани тайёрлашнинг икки хил йўли мавжуд.

Термосни олиб, ичига ювилган гречкани солинг ва устига қайноқ сув қуйинг. Донлар сувдан уч баравар кам бўлиши керак. Бир кеча мобайнида кутинг ва тозаловчи нонушта эрталабгача тайёр бўлади. Унга бир стакан кефир қўшиш ва тайёр бўлган қоришмани ейиш қолди.

Кечқурун кефир билан хом гречкани ўзаро аралаштириб, музлатгичга қўйинг. Кефир ферментланган сут маҳсулоти бўлгани учун уни музлатгичдан ташқарида сақламанг. Очиқ ҳавода зарарли бўлган салмонеллалар фойдали сут кислотаси бактериялари билан аралашиб кетиши мумкин. Акс ҳолда, тозалаш заҳарланишга айланади.

Гречкадан қанча, кефирдан қанча миқдорда қўшиш хоҳишга боғлиқ. Фақат бир марталик истеъмол миқдорни яъни, тахминан 200-300 грамм аралашмани тайёрлаган маъқул.

На биринчи, на иккинчи усул бўтқага туз, шакар ёки ёғ қўшилмайди. Бу янги шаклда гречка пюреси нафақат нонушта, балки табиий дори бўлади.

Организм қандай тозаланади?

^{Фото: “Лиса.ру”}
Optimaл схема

Курсни йилига икки марта 10 кун давомида олиб боринг, тез-тез эмас. Эрталаб оч қоринга бир стакан сув ичиш керак, 15-30 дақиқадан сўнг гречка ва кефир билан нонушта қилинг. Кун давомида озиқ-овқатнинг қолган қисми нормал бўлиб қолади.

Кучли схема

Бунда кефирли гречка диетанинг асосига айланади. Уларга қўшимча равишда фақатгина мева, сабзавотларни истеъмол қилишингиз, шакарсиз чой ичишингиз мумкин. Аммо бундай диетадан олдин шифокор билан маслаҳатлашиш тавсия этилади. Чунки очлик билан боғлиқ парҳезларда шифокор маслаҳати зарурдир.

Кефирли гречка озишга ёрдам беради

Ушбу қоришма ичак микрофлорасининг мувозанатини тиклашга, токсинлардан халос бўлишга ва овқат ҳазм қилишни тўлиқ нормаллаштиришга ёрдам беради. Ҳатто, алоҳида-алоҳида истеъмол қилинганда ҳам бу иккала маҳсулот жуда фойдали. Ва “дуэт”да улар янада яхши ишлайди: нафақат организмни тозалаш учун, балки вазн йўқотиш ва умумий тикланиш учун ҳам. Бу қоришма организмга обдон тозалаш имконини беради.

Дон ядролари худди чўтка каби ишлайди. Ичак деворларини турли хил озиқ-овқат қолдиқларидан тозалайди. Бошқа томондан, кефир танани ёғлар ва етишмаётган суюқликлар билан тўлдириб, уни танадан чиқариб юборадиган канал вазифасини бажаради. Кило йўқотиш учун бу хусусиятлари туфайли у идеалдир. Бундан ташқари, иккала таркибни ҳам ҳар қандай дўкондан чўнтакбоп нархда сотиб олиш мумкин.

Организмни тозалаш учун ушбу парҳезга 4 кун мобайнида амал қилиш кифоя, шунда натижани кўрасиз. Бироқ, кетган килограммлар сони сизнинг шахсий хусусиятларингизга ҳам боғлиқ. Баъзилар икки ҳафта ичида сиз 2-3 килограмм ортиқча вазнни йўқотишингиз мумкинлигини айтади.

Бироқ, баъзилар учун бундай парҳез учун қарши кўрсатмалар бор. Бу тутиш қийин бўлган парҳез меню ҳар доим вазн йўқотиш учун мос келмайди. Шу боис диетани бошлашдан олдин, шифокор билан маслаҳатлашиш тавсия этилади.

Классик усул — 15 кун давомида нонушта, тушлик ва кечки овқат учун гречкали пюре ва кефир. Ёғ миқдори кам бўлган, аммо буткул ёғсиз бўлмаган кефир танланг. Озиш учун кефир билан гречкадан фойдаланишнинг рецепти оддий: ёрмани пиширишнинг ҳожати йўқ, уни зираворларсиз 12 соат давомида қайноқ сувда қолдиринг ёки кефир билан аралаштириб бир кеча мобайнида кутинг. Ушбу қоришмадан чексиз миқдорда фойдаланишингиз мумкин, фақат уйқуга ётишдан 3 соат олдин уни истеъмол қилишни тўхтатиш керак.

Одатда кунига 4 та порсия етарли ҳисобланади. Рационнинг бошида кўпроқ истеъмол қилиш одатий ҳолдир ва охирида қисм ярмига камаяди. Бу шуни кўрсатадики, организм аллақачон камроқ овқат истеъмол қилса ҳам тўйимлиликни ҳис қилишга кўникиб қолган. Одатий овқатланиш тарзига қайтганда ҳам бу таъсир ўз кучида қолиши керак. Ичак ва ошқозон зўриқиб қолмаслиги учун буни аста-секин бажарган маъқул.

Сиз бошқа бир вариантни синаб кўришингиз мумкин: бир кун кефирда, бир кун гречкада. Аввалига сиз жуда кўп овқат ейишингиз мумкин. Кейинчалик ҳам кўпроқ овқатланиш истаги туғилса, оз миқдорда барра сабзавот ва мевалардан истеъмол қилишинг. Шунингдек, сув ичиш режимини кунига 2-2,5 литргача ошириш муҳимдир. Куч ва чидамлилигингизга ишонмасангиз, унда сиз диетани бир ҳафтага қисқартиринг. Бунда натижа камроқ бўлади, аммо умумий ҳолатнинг яхшиланиши сезилмай қолмайди.

^{Фото: “Лиса.ру”}
Тайёргарлик даври ва парҳездан чиқиш

Парҳез вақтида дастлабки босқич жуда муҳим, чунки бутун овқат ҳазм қилиш тизимини сезиларли даражада бўшатишга ва уни кейинги тозалаш жараёнига ёрдам беради. Шунингдек, кўп миқдорда озиқ-овқат истеъмол қилишга одатланган ошқозон ҳажмини камайтиради. Шунинг учун гречка диетаси бошланишидан бир неча кун олдин, тўйиб овқатланмаслик, ундан оғир ёғли овқатларни чиқариб ташлаш, сабзавот ва мевалар миқдорини ошириш тавсия этилади. Кефирли гречка рациондан чиқишни ҳам аста-секин амалга ошириш тавсия этилади. “Замин” янгиликларини “Одноклассники”да кузатиб боринг