![Кам овқатланиш сабаблари ва иштаҳани оширишнинг 12 та усули](/uploads/posts/2024-06/x049e1cedc2_66691f4843f9b.webp.pagespeed.ic.rogVdt3rOD.webp)
Иштаҳанинг яхшилиги саломатлик белгисидир. Очлик ҳисси етишмаслиги турли муаммолардан тортиб анорексияга қадар олиб бориши ҳеч гап эмас. Агар кетма-кет бир неча кундан ортиқ меъёрда овқат емасангиз, иштаҳангизни қандай ошириш ҳақида ўйлаш вақти келди.
![](/uploads/posts/2024-06/x39a2c11da8_1200x630_21_31baaa3735c98499c47e1fb1d9fdb14e1920x1152_0xac120003_4644282991642165764-x8kqwb0k.webp.pagespeed.ic.yrkCzaJOm7.webp)
Фото: iStock
Иштаҳани қандай ошириш мумкин: фойдали маслаҳатлар
Иштаҳани йўқотиш кўпинча стресс ва бошқа муаммолар туфайли юзага келади. Ўзингизни мажбурлаб овқатланишингиз шарт эмас. Муаммони ҳал қилишингиз ва организмни яна овқат сўрашга ундашингиз керак.
Организмни овқат ейишга ундайдиган кичик ҳийлалар бор:
- Кам-кам, лекин тез-тез овқатланинг. Ошқозон кичик ҳажмдаги овқатни яхшироқ қабул қилади.
- Кўп миқдорда тоза сув ичинг, кунига 2 литргача. Иштаҳани йўқотишнинг энг кенг тарқалган сабабларидан бири сувсизланишдир.
- Чанқамасдан олдин сув ичишни унутманг. Чанқоқлик организм аллақачон сувсизлангани ҳақида сигналдир.
- Мазали ва чиройли таом тайёрланг. Идишларнинг тўғри тақдим этилишини эътиборсиз қолдирманг, ҳатто ёлғиз овқатлансангиз ҳам.
- Барча турдаги зираворлар ва ошкўклардан фойдаланинг. Улар иштаҳани оширишга ёрдам беради.
- Ҳар доим бир вақтда овқатланинг. Ширинликлар ва булочкалар каби зарарли газаклар билан иштаҳангизни бузманг.
- Витаминларни, айниқса, куз-қиш даврида ичинг.
- Агар чекувчилардан бўлсангиз, чекишни ташланг. Тамакига қарамлик иштаҳани сусайтиради.
- Фаол турмуш тарзини олиб боринг, спорт билан шуғулланинг ва очиқ ҳавода узоқ вақт сайр қилинг.
![](/uploads/posts/2024-06/xb70d266635_0-ho4awae3.webp.pagespeed.ic.NHEWqwqzqR.webp)
Фото: Healthcаrt
Эҳтимол, иштаҳани йўқотиш орқали танангиз сизда қандайдир касаллик борлиги ҳақида сигнал бераётгандир. Масалан, гормонлар ва овқат ҳазм қилиш тизими билан боғлиқ муаммолар (гастрит, панкреатит, жигар етишмовчилиги), буйрак ёки юрак етишмовчилиги, онкология, психологик омиллар (стресс, депрессия) кабиларни бошидан кечираётган шахсларда иштаҳа йўқолади.
Қўшимча тавсиялар
Турли касалликларни истисно қилиш учун умумий ва биокимёвий қон таҳлилини ўтказинг, қалқонсимон без гормонлари даражасини аниқланг, ички органларингизни ултратовуш текширувидан ўтказинг, гастроскопия ва колоноскопия қилинг.
Жисмонан соғлом одамларда иштаҳанинг йўқлиги кўпинча руҳият билан боғлиқ: депрессия, уйқусизлик, апатия, чарчоқ. Айниқса, хавотир ва тушкунлик каби ҳолатлар марказий асаб тизимини секинлаштирадиган ва иштаҳани камайтирадиган стресс гормонларини чиқаришга олиб келади. Бундай ҳолларда психолог билан муаммо сабабларини аниқлаш керак.
Агар юқорида санаб ўтилган омиллар учрамаса ва инсон ҳам руҳан, ҳам жисмонан соғлом бўлса, демак, у шунчаки бирор таомнинг ҳиди ёки таъми туфайли овқатланишдан бош тортаётган бўлиши мумкин. Эҳтимол, у шунчаки ўзига мос келмайдиган таомга дуч келган, шу боис овқат танлайдиган кишиларга таомнома билан тажрибалар ўтказиб кўриш тавсия этилади. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Ким Чен Ин Россиянинг Украинага ҳужумини тўлиқ қўллаб-қувватлайди расм](/uploads/posts/2024-06/x8435e252bc_photo_2024-06-19_21-43-58-ztzgpxia.webp.pagespeed.ic.qJOZiHLFPH.webp)
Ким Чен Ин Россиянинг Украинага ҳужумини тўлиқ қўллаб-қувватлайди
![Покистонда оломон Қуръонни таҳқирлаган сайёҳни ёқиб юборди расм](/uploads/posts/2024-06/xa1d8daa673_photo_2024-06-21_20-15-19-mw96ug8e.webp.pagespeed.ic.jfWCAF8OKU.webp)
Покистонда оломон Қуръонни таҳқирлаган сайёҳни ёқиб юборди
![Узоқ умр кўриш учун ёрдам берадиган 5 та фойдали одат расм](/uploads/posts/2024-06/xd51bbe8064_6673bbb313601.webp.pagespeed.ic.M3ng8x_jge.webp)
Узоқ умр кўриш учун ёрдам берадиган 5 та фойдали одат
![Апелляция судида жабрланувчилар: “Сардор Кариев озодликка чиқишига қаршилигимиз йўқ” расм](/uploads/posts/2024-06/xe3a1a341d9_ggiymdke2l_vyexysg-c2sx3e7r1vxr5_medium.webp.pagespeed.ic.SrDwBxJxSy.webp)
Апелляция судида жабрланувчилар: “Сардор Кариев озодликка чиқишига қаршилигимиз йўқ”
![Аргентина Украинага ҳарбий ёрдам бермаслигини маълум қилди расм](/uploads/posts/2024-06/x9d07f53bff_miley2-ocevtcdm.webp.pagespeed.ic.3GVe89tAC4.webp)
Аргентина Украинага ҳарбий ёрдам бермаслигини маълум қилди
![Кам қувватда ишлаётган педагогика коллежлари негизида боғча ва мактаблар ташкил этилади расм](/uploads/posts/2024-06/x7ac5395bc9_s8d275kt9gxhqdliz_vary2hrzjdie-a.webp.pagespeed.ic.FbOToRWrC5.webp)
Кам қувватда ишлаётган педагогика коллежлари негизида боғча ва мактаблар ташкил этилади
![Исроил оммавий дафн маросимларига тайёргарлик кўрмоқда расм](/uploads/posts/2024-06/x1601cd30ad_photo_2024-06-20_23-04-23-41dsk0tj.webp.pagespeed.ic.THvsDXB-AE.webp)
Исроил оммавий дафн маросимларига тайёргарлик кўрмоқда
![КХДР ва Россия ўртасидаги янги келишувда айнан нима дейилган? расм](/uploads/posts/2024-06/xc04786f94f_qjzo_ci7spa-ygmw9no-dgjxdoqurqi4.webp.pagespeed.ic.FPLmaPGm4d.webp)
КХДР ва Россия ўртасидаги янги келишувда айнан нима дейилган?