Космосдаги ягона манзил: Ер сайёрасининг ноёб сирларига саёҳат

Коинотда миллиардлаб юлдузлар, миллионлаб сайёралар бор. Аммо биз яшаётган Ер — уларнинг орасида чинакамига ягона. У нафақат ҳаёт билан, балки ўзининг ноодатий ҳолати билан ҳам ажралиб туради. Нега Ер бунчалик махсус? Келинг, бу сирли саволга жавоб излаймиз.

1. Мукаммал масофа — “Олтин минтақа”да жойлашган
Ер Қуёшдан 150 миллион км узоқликда жойлашган. Бу масофа “ҳаётга қулай” деб аталувчи “Олтин минтақа”дир. Жуда яқин бўлганида — ҳаддан ташқари иссиқ, узоқ бўлганида эса — музлаган дунё бўлар эди. Ер — ўртада, айни керакли жойда!

2. Атмосфера — ҳаёт учун махсус ниқоб
Ердаги атмосфера кислород ва азотга бой бўлиб, нафас олиш учун идеал. Шу билан бирга, у зараркунанда қуёш нурларини фильтрлаб, тирикликни ҳимоя қилади. Қолган кўплаб сайёраларда эса атмосфера йўқ ёки заҳарли.

3. Сув – ҳаёт манбаи
Ер юзасининг 70 фоизи сув билан қопланган. Сув — ҳаёт учун муҳим омил. Айни пайтда ҳозирги кунга қадар бошқа ҳеч бир сайёрада суюқ ҳолатда сув топилмаган. Ер — сувли сайёра.

4. Ой — барқарорлик “соат механизми”
Ердаги Ой нафақат чиройли манзара, балки муҳим “барқарорлаштирувчи” омилдир. У сайёрамиз ўқининг оғишини ушлаб туради, бу эса иқлимнинг кескин ўзгаришларидан сақлайди. Яна бир мўъжиза!

5. Магнит майдони — кўринмас қалқон
Ер ядросидаги суюқ темир айланмаси натижасида магнит майдони ҳосил бўлади. Бу магнит қалқон эса Қуёшдан келувчи зарарли нурланишлардан бизни ҳимоя қилади. Бошқа сайёраларда бундай ҳимоя деярли йўқ.

6. Биологик хилма-хиллик — ҳаётнинг ранг-баранглиги
Ерда бир ҳужайрали бактериялардан тортиб, китларгача бўлган миллионлаб тирик мавжудотлар яшайди. Бу хилма-хиллик — фақат бизнинг сайёрамизда учрайдиган ноёб ҳолат.

Ер — оддий сайёра эмас, бу — ҳаёт учун яратилган мўъжиза. «Замин»ни Telegram’да ўқинг!