Ширин лимонадлар ва газланган ичимликларни мунтазам равишда истеъмол қилиш соч тўкилиши хавфини сезиларли даражада оширади. Бу одат оддий кўринса-да, ҳаётий саломатликка жиддий таъсир кўрсатиши мумкин.
2023 йилда Хитой олимлари олиб борган тадқиқотлар шуни кўрсатдики, ҳар куни камида бир стакан газли ичимликлар истеъмол қиладиган ёш эркакларда соч тўкилиши эҳтимоли, бундай одатдан воз кечганларга нисбатан уч баравар юқори.
Энди эса Португалиялик олимлар ҳам ўтказган яқин таҳлиллари шу хулосани тасдиқлади: ширин ичимликлар сочнинг қалинлиги, ўсиши ва товланиши жараёнига салбий таъсир кўрсатиши эҳтимоли катта. Уларнинг тадқиқотларига кўра, ҳар ҳафта 3,5 литрдан ортиқ (яъни кунлик ўртача 500 мл) газли ва ширин ичимлик истеъмол қиладиган эркакларда соч тўкилиши бошқаларга нисбатан сезиларли даражада кўпроқ кузатилади.
Мутахассислар фикрича, бу ҳолат асосан ортиқча шакар сабаб бўлади — у қон айланишига салбий таъсир кўрсатади ва яллиғланиш жараёнларини кучайтиради. Натижада соч фолликулалари заифлашади ва сочнинг сифатли ўсиши чекланади. Шу билан бирга, энергетик ичимликлар ҳам хавфли саналади: улардаги юқори миқдордаги кофеин стресс гормони — кортизолни ошириши мумкин ва бу ҳам соч тўкилишига олиб келади.
Ҳозирги вақтда олимлар ширин ичимликлар соч тўкилишига қандай механизм орқали таъсир кўрсатишини чуқур ўрганишмоқда, аммо иккиси орасида аниқ боғлиқлик аллақачон исботланган.
Маълумотларга кўра, 20 ёшга етган эркакларнинг камида 25 фоизида соч тўкилиши белгиларини кузатиш мумкин. 50 ёшдан ошганлар орасида эса бу кўрсаткич 85 фоизга етади. Шунинг учун ҳам узоқ муддатли ва саломатликни сақлаш учун газли ва ширин ичимликларни чеклаш муҳим.
«Замин»ни Telegram’да ўқинг!
