Круассан ва қаҳва ҳақиқий французча нонушта ҳисобланади. У қатлама ёки оширилган хамирдан тайёрланади. Круассан рогалик шаклида ўралади ва ярим ой шаклида бўлади. Шу сабабли унинг номланиши ҳам шаклидан келиб чиққан (французчада «круассан» «яримой» деб таржима қилинади).
Ичига шоколад солинган ҳақиқий французча круассан рецептини эътиборингизга ҳавола этамиз.
Керакли масаллиқлар:
– Тайёр қатлама хамир;
– 1 плитка шоколад (аччиқ ёки сутли);
– 1 та тухум;
– 1/2 чой қошиқ шакар (ванил шакари ишлатиш ҳам мумкин).
Тайёрланиши:
Биринчи навбатда плитка шоколадни кичик бўлакчаларга бўламиз. Шоколад муздек ва фолгада бўлса бўлиш осонроқ.
Хамирни дастлаб тўғрибурчакларга кесиб чиқамиз. Сўнгра ҳар бир тўғрибурчакни диагоналига кесамиз. Шунда учбурчаклар ҳосил бўлади.
Учбурчаклардан бирини олиб, унинг энг қисқа томонига шоколад бўлакчасини қўйинг. Қўлингизни ёғлаб, круассанни асосидан юқорига қараб ўраб борасиз. Шоколад унинг ичида қолиши керак. Ҳар бир учбурчакни шу тарзда ўраб чиқасиз.
Тухумни идишга чақиб, унга шакар қўшамиз ва аралаштирамиз. Круассанларни духовка листига жойлаб, ҳар бирига тухум суриб чиқамиз. 200 даражагача қиздирилган духовкада 20 дақиқа давомида пиширамиз. Уларнинг тайёр бўлганлигини тилла рангга кирганидан билиш мумкин. Шунингдек, тайёр бўлишига 3—4 дақиқа қолганда ошхонага ванил ва шоколад ҳиди тарала бошлайди.
Манба: Daryo.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди