Бахтли бўлишнинг 10 та сири

Бахтсиз бўлиш осон, бироқ чинакам бахтга эришиш учун етарлича ҳаракат қилиш ва ён атрофингиздагиларга яхшилик тилаш лозим.

Нимагадир одамларга бахтсиз бўлиш осондек туюлади, шу сабабли кўпчилик ҳар ерда ёлғон, хиёнат ва сохталикни кўради. Биз кучимизга ишонишни истамаймиз ва кўпинча йиғлаймиз, нолиймиз, бу билан ўзимизга бахтсизликни чорлаймиз.

Ҳақиқатан ҳам бахтли бўлиш қийинми? Бу саволга жавоб бериш жуда оддий деб ўйлайсизми, ахир биз мураккаб жавобларга ўрганиб қолганмиз. Ортиқча оддийлик бизни чалғитади ва негадир қўрқитади ҳам.

Бахтли инсон бўлиш учун қуйидаги ҳаётий қоидаларга амал қилишга интилинг.

1. Ўтмишда бўлган муаммоларни унутинг.
Ўтиб бораётган умрингиз давомида кўплаб хатоларга йўл қўйганмисиз ва эндиликда улар туфайли ўзингизни жазоламоқчимисиз? Ўтмишсиз келажак йўқлигини унутган кўринасиз. Биз йўл қўядиган хатолар ҳаётий тажриба учун жуда муҳим. Уларсиз ҳаёт қизиқарли эмас. Масалага бошқа томондан қарасак, ўтмишни тўғрилаб бўлмайди. Шундай экан, бутун диққат-эътиборингизни айни дамга ва келажакка қаратинг.

2. Ҳар бир одам ўз ҳаёти учун масъул.
Бахтли бўлиш учун танлаш эркинлиги ва қарор қабул қилишда дадиллик жуда зарур. Иложсиз вазият бўлмаслигини ва одамлар учун имконсиз нарсалар камлигини унутманг. Нимадир ўхшамаса, муаммоларга сабабчи айбдорни қидиришга ҳаракат қилманг. Айниқса, турмуш ўртоғингизни айблашга шошилманг. Масъулиятни ҳис қилиб, олдинга қараб қадам ташланг.

3. Муносабатларни йўлга қўйишдан қўрқманг.
Бошқа одамлар билан муносабатлар туфайлигина биз севиб, севилишимиз мумкин. Атрофдагилар билан мулоқот қилиш, дўстлашиш кўплаб ҳис-туйғуларни бошдан кечириш имконини беради.

4. Орзуларга берилинг ва қизиқинг.
Қизиқишларингиз доирасини кенгайтиринг. Гўзал хаёлларга берилишдан чўчиманг. Орзулар оламига ғарқ бўлинг. Олдингизга катта мақсадларни қўйиб, унга дадил қараб интилинг.

5. Феъл-атвор бу бахтнинг асосидир.
Ўзингиз ва бошқаларга ишонишини ўргансангиз, ўзаро мувофиқлиkни ҳис қиласиз.

6. Ўзингизга ишонинг.
Кучингизга ишонинг. Қандай бўлсангиз шундайлигингизча қолинг. Бировлар учун яшаманг. Одамлар сиз қандай бўлсангиз, шундайлигингизча қабул қилишлари ва ҳурмат этишларига ишонинг.

7. Борига шукур қилинг ва қадрланг.
Ўзингизда йўқ нарсани кўришдан кўра, борини ҳис қилиш осонроқ. Баъзида қадрига етишимиз учун йўқотишимизга ҳам тўғри келади. Ана ўшанда ҳамма нарсани борида қадрлаш лозимлигини тушуниб етамиз.

8. Яхши нарсалар ҳақида ўйланг.
Жой, вазият инсонни бахтли ёки бахтсиз қила олмайди. Фақатгина ақл-салоҳият қандай инсон эканлигимизни ҳис этишимизга ёрдам беради. Ҳар доим яхши нарсалар ҳақида ўйланг. Бўлар-бўлмас хаёлларга борманг, салбий ўй-хаёлларни ўзингизга яқинлаштирманг. “Нимаики бўлмасин, яхшиликка” деган қоидага ишонинг.

9. Нафсингизни жиловланг.
Иззат-нафс қулига айланган пайтингизда бахт қушини учириб юборишингизни унутманг. Истеъдод, билим ва имкониятингизни ҳаққоний баҳоланг.

10. Яшаш нақадар лаззатли эканлигини унутманг.
Ҳар бир ўтаётган кун учун қувонишни ўрганинг. Ўтаётган кунингизнинг ҳар лаҳзасини унумли ўтказиш ва байрам қилиш эса ўз қўлингизда.

Манба: mulohaza.uz “Замин” янгиликларини “Telegram”да кузатиб боринг