Немис ва америкалик олимлар инсоннинг илон ва ўргимчак қаршисидаги қўрқуви ирсий бўлиши мумкинлигини аниқладилар. Бу ҳақида хориж нашрлари хабар бермоқда.
Ўтказилган тадқиқотда чақалоқлар иштирок этган бўлиб, уларнинг ушбу жонзотларга қарши қандай муносабат кўрсатганлари тадқиқот натижалари борасида маълум фикрга келиш учун имкон яратди.
“Биз кичик болаларга гул ва балиқ суратлари ўрнига илон ҳамда ўргимчакларнинг расмини кўрсатганимизда уларнинг кўз қорачиқлари катталашгани аниқланди. Бу ҳолатда қорачиқлар катталашиши мияда стресс реакцияси учун жавоб берадиган жараён фаоллашиб кетганининг белгисидир. Демак, ҳатто кичкина болалар ҳам мазкур жониворларни бошқаларидан ажрата олишади” дейди нейробиолог Штефани Холл.
Шу тариқа олимлар илон ва ўргимчаклардан қўрқиш болаларга ҳомиладорлик пайтида ирсий йўл билан ўтади деган фикрга келишди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
