Пиёз истеъмоли инсон организмига қандай таъсир кўрсатади?

Олимлар ўтказган тадқиқотлар шуни кўрсатдики, пиёз истеъмол қилиш инсон организми учун кони фойда экан. Фақат бу маҳсулотни ҳам эҳтиёткорлик билан истеъмол қилиш лозим.

Пиёз темир моддаси, кальций, витаминларга бой. Бундан ташқари, пиёз таркибида кверцетин бор. У зиён етган тўқималарнинг ўлиш жараёнини тўхтата олади. Қондаги холестерол даражасини меъёрга келтиради, канцерогенларнинг организмга салбий таъсирини камайтиради.

Пиёз йўғон ичак саратони хасталиги профилактикасида ҳам жуда катта фойда беради. У юрак хасталикларининг олдини олади. Ошқозон ярасига қарши ҳам пиёздан фойдаланилса фойдадан холи бўлмайди. «Замин»ни Telegram’да ўқинг!