Сизни йўтал, шамоллаш, доимий чарчоқ безовта қилса, кундалик сайрлар ёки ҳафтасига бир неча марта оддий жисмоний машқлар ўзингизни яхши ҳис қилишингизга кўмак беради.
Жисмоний фаоллик нафақат иммун тизимига бактериал ва вирус инфекцияларига қарши курашда ёрдам беради, балки юрак касалликлари, остеопороз ва саратон касалликларининг ривожланиш хавфини пасайтиради, дейилади Kun.uz сайтида.
Жисмоний фаоллик қандай қилиб касалликларга қарши курашни кучайтириши ҳозирча номаълум. Бу борада бир неча назария мавжуд:
· Жисмоний машқларни бажаришда нафас йўллари микроорганизмлардан тозаланади. Бунда грипп, шамоллаш ва ҳаво-томчи йўли орқали юқувчи бошқа касалликлар хавфи камаяди. Бундан ташқари, жисмоний машқлар ажралувчи тизимлар (пешоб, тер) фаоллигини кучайтиради ва бу организмнинг канцерогенлардан тозаланишига туртки беради.
· Жисмоний фаоллик давомида организмдаги барча жараёнлар, шу жумладан иммун тизими фаолияти ҳам фаоллашади. Организмни инфекциялардан ҳимояловчи лейкоцитлар ва антижисмлар тезроқ ҳаракатланиб, касалликларни бошланғич босқичидаёқ аниқлай бошлайди.
· Жисмоний фаолликда тана ҳарорати бироз ошади. Бу бактериялар кўпайишининг олдини олиб, организмга инфекцияларга қарши янада самарали курашиш имконини беради.
· Жисмоний машқлар касалликлар хавфини оширувчи стресс гормони ажралишини камайтиради.
Жисмоний фаолликнинг соғломлаштирувчи таъсирига қарамай, меъёр ҳақида унутмаслик керак. Иммунитетингизни мустаҳкамлаш учун ўзингизни ҳаддан зиёд қийнаманг. Аслида оғир ва давомли жисмоний машқлар иммун тизимига қарама-қарши таъсир кўрсатади.
Тадқиқотларга кўра, соғлиқ учун энг фойдалиси - камҳаракат ҳаёт тарзидан меъёрий турмуш тарзига ўтиш. Жисмоний фаолликнинг бундай дастури қуйидагиларни ўз ичига олиши мумкин:
· Ҳафтада бир неча марта болалар билан велосипедда сайр қилиш;
· Кундалик 20-30 дақиқалик пиёда сайрлар;
· Кун ора спорт залида шуғулланиш;
· Мунтазам равишда теннис ўйнаш.
Бундан ташқари, жисмоний фаоллик инсоннинг ўзини янада яхшироқ ҳис қилишига олиб келади, машқларни бажариш давомида сиз куч-қувватга тўлаётганингизни сезасиз. Шундай экан, аэробикага ёзилиш ёки шунчаки сайрга чиқиш керак. Шундагина ўзингизни соғлом ва куч-ғайратга тўлган ҳис қиласиз! “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Словакия бош вазири Путиннинг таклифини қабул қилди
Бош кийимсиз юришнинг организмга қандай таъсири бор?
Грецияда минглаб одамлар НАТОга қарши намойиш ўтказди
Организмда қайси турдаги витамин етишмаётганини қандай аниқлаш мумкин?
Энди «Доимий яшаш жойига рўйхатга қўйиш» қулайлашди (видео)
Германия разведкаси раҳбари: “Россия яқин йилларда НАТОга ҳужум қилиши мумкин”
Медведев Россия НАТО ҳарбий базаларига зарба йўллаши мумкинлигини истисно қилмади
Эрон Исроил билан кенг кўламли урушга тайёрлигини маълум қилди
