Қандай ҳолатларда рўза бузилиб каффорат эмас, қазо лозим бўлади?

Қазо лозим бўладиган сабаблар қуйидагилардир:

1)Рўзадор хато қилиб оғзини очиб қўйса (қуёш ботмаганда ботди деб ўйлаб бирор нарса еса, тонг отганда отмабди деб, ўйлаб саҳарлик қилса, оғиз чайганда ичига сув кетса);
2)Рўза тутганини унутиб, бирор нарса еб ё ичгач, рўзадорлиги эсига тушгандан сўнг еб-ичишни давом эттирса;
3)Ҳуқна (клизма) қилдирса;
4)Бурнига бирор нарса томизса;
5)Одатда ейилмайдиган нарсаларни ютса;
6)Томоғига ёмғир томчиси ё қор учқуни кирса;
7)Бировнинг мажбурлаши билан еса ё ичса;
8)Қасддан қусса ё қусуғини қайтарса;
9)Ўпганда ё қучоқлаганда маний чиқса;
10)Тиши орасидан чиққан қон кўп бўлса ва ичига кетса;
11)Тишлари орасида қолган нўхатдек ва ундан катта овқатни ютса, рўза бузилади ва бир кунига бир кун тутиб бериш лозим бўлади.

Бу муборак кунларда Аллоҳ таоло тутаётган рўзаларимизни нуқсонсиз бўлмоғини насиб айласин.Зеро, бу кунлар энг хайрли кунлардир.

Абу Ҳурайра розийаллоҳу анҳудан ривоят қилинади: «Расулуллоҳ соллаллоҳу алайҳи васаллам: “Рамазон келса, жаннат эшиклари очилади, дўзах эшиклари ёпилади ва шайтонлар кишанланади”», дедилар (Имом Бухорий, Имом Муслим, Имом Термизий).


Манба: Azon.uz «Замин» янгиликларини «Вконтакти»да кузатиб боринг