Аёл киши кунини қандай бошлаши керак?

^{Фото: Getty Images}
Қуйидаги берилган тавсияларга амал қилсангиз, келгуси иш ҳафтангиз мазмунли ва самарали бўлишига эришасиз.

Жисмоний машқлар
Кунлик энергия таъминланиши ва хушкайфиятда юриш учун кунни жисмоний машқлар билан бошлаш тавсия қилинади. Машқлар турлича бўлиши — хона ичида, ҳовлида бажарилиши, шунингдек, кўчада, тоза ҳавода югуриш ҳам мумкин. Асосийси эса эринмаслик ва вақт ажратиш. Унутманг саломатликнинг ташқи кўринишга таъсири катта.

Сув ичишни унутманг
Эндигина уйғонган организмнинг тетиклашиши учун бир стакан сувнинг аҳамияти беқиёс. Кун давомида сув ичишни канда қилмаслик терининг намлиги йў​қолмаслиги ва тиниқ кўринишига сабаб бўлади.

Гигиена ва гўзаллик
Гигиеник муолажалар ҳар бир аёл ёки қиз учун индивидуал бўлади. Бу эса одат ва қанча вақт сарфланиши билан боғлиқ. Лекин контраст душ қабул қилиш ҳаммага тавсия қилинади. Бу иммунитет ва тери тонусининг яхшиланиши, тонгдан энергияга тўлишнинг кафолати ҳисобланади.

Юз парвариши
Юз терисини биринчи тозалаш кейин намлантириш ва озиқлантириш зарур. Бунинг учун уй шароитида табиий ниқоблардан фойдаланиш ёки сифатли косметикаларни қўллаш мумкин.

Нонушта қилиш
Ташқи кўринишингиз истеъмол қиладиган маҳсулотлар билан боғлиқлигини унутманг. Айнан фойдали нонушта сизни кун бўйи кўтаринки кайфиятда бўлишингиз, бўшашиб қолмаслигингизга сабаб бўлади. Шу сабаб ҳам ҳар куни нонуштани ўтказиб юбормасликка ҳаракат қилинг.

Манба: Daryo.uz “Замин” янгиликларини “Facebook”да кузатиб боринг