23:51 / 05.04.2021
656

Олимлар шакар болалар хотирасига салбий таъсир кўрсатишини аниқлади

Олимлар шакар болалар хотирасига салбий таъсир кўрсатишини аниқлади
Фото: Getty Images
Америкалик тадқиқотчилар шакарнинг болалар хотирасига салбий таъсир кўрсатишини маълум қилди. Бу ҳақда Science Daily порталида эълон қилинган тажриба натижаларига таяниб, «Korrespondent.net» хабар берди.

Лаборатория сичқонлари икки гуруҳга ажратилган ва улардан бирига мунтазам равишда ширин ичимлик берилган. Тадқиқот давомида хотирага жавоб берадиган мия соҳаси — гиппокамп функциясининг бузилиши аниқланган.

Бунга ичакларда Parabacteroides бактериялари сонининг ортиб кетиши сабаб бўлган. Шакар уни истеъмол қилмайдиган сичқонлар организмига киргач, уларда ҳам хотира сустлашиши кузатилган.

Тадқиқот муаллифларининг таъкидлашича, ушбу тажриба натижалари инсонларга ҳам тўғри келади. Келажакда улар ичаклардан мияга сигналлар узатилишининг яхшироқ идентификация қилинишини аниқлаш мақсадида тажрибаларни давом эттириш ниятида.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ҳаёт тарзи » Олимлар шакар болалар хотирасига салбий таъсир кўрсатишини аниқлади