Беҳи мавсуми: «олтин олма»нинг таркиби ва фойдали хусусиятлари

^{Фото: Harper’s Bazaar}
Олма ва нок умумлашмасини эсга соладиган мева, асосан, Ўрта Осиё, Эрон, Кавказ ва Кавказорти мамлакатларида пишиб етилади.

Беҳи қадимги Юнонистонда етиштирилган бўлиб, у севги ва унумдорлик рамзи ҳисобланиши билан бирга «олтин олма» номини олган. Беҳини йиғиш мавсуми куз фаслининг охирига тўғри келади. Шу сабаб ҳам ҳозир ушбу мева ҳақида маълумотга эга бўлишнинг айни вақти.

Таркиби ва фойдали хусусиятлари
Фойдали моддаларнинг кони ҳисобланган беҳи А, В, С, Е ва РР гуруҳи витаминлари, шунингдек, темир моддаси, клетчатка, кальций ҳамда антиоксидантларга бой. Унинг таркибидаги пектин ҳазм жараёнини меъёрлаштиради. Темирнинг мўл экани ҳисобига анемияга қарши яхши самара беради. Қолаверса, беҳи антисептик ва қон тўхтатувчи хусусиятига эга.

Кимларга мумкин эмас?
Ошқозон касалликлари ва ярасидан азият чекадиган беморларга беҳидан тийилиш тавсия қилинади. Кучли буриштирувчи хусусиятга эга экани сабаб спазм келтириб чиқариши ва аҳволнинг ёмонлашишига сабаб бўлиши мумкин. “Замин” янгиликларини “Twitter”да кузатиб боринг